2019豬年12生肖運程！麥玲玲率先同你解構豬/鼠/牛

狗年話咁快又就快過去喇！嚟緊豬年12生肖運程唔知又會點呢？相信唔少人都會好想出年有咩要注意嘅事。今次小編就搵嚟著名堪輿學家麥玲玲師傅教大家點樣催吉避凶，等大家可以有時間做足準備。

Photo from Presslogic

首先同大家講嘅就係豬/鼠/牛依3個生肖！

Photo from shutterstock

豬：

犯太歲＋刑太歲

吉星：天解、歲駕

凶星：劍鋒、三刑、血刃

Photo from shutterstock

屬豬嘅朋友嚟到豬年就犯本命年，犯本命年係犯太歲嘅一種，中國人有句俗語：「一喜擋三災，無喜是非來，太歲當頭坐，無喜必有禍」犯太歲嘅年份係需要沖喜嘅傳統嘅大喜事包括：結婚、添丁、買樓...當然係最好喇！如果冇依類喜事，今年預咗變化好多。

Photo from shutterstock

幸好都有歲駕星，代表事業都會有進步，因為依個星代表住皇帝出巡，大家都會幾欣賞你。同時有天解星，天解並唔係完完全全嘅吉星，依個星代表先難後易要畀多少少耐性。

仲有劍鋒係代表金屬受傷，開車嘅朋友就要小心啲，又或者係經常接觸金屬嘅都需要小心。

Photo from shutterstock

最好過年之後去捐血或洗牙，自然就身體健康喇！

Photo from shutterstock

鼠：

吉星：太陽、天乙

凶星：晦氣、年煞、咸池桃花

Photo from shutterstock

屬老鼠嘅朋友嚟到豬年算係相當不錯，因為今年無沖無合，仲有太陽星照住。

太陽係一個男性貴人星，有依個星如果你做嘅生意同男士有關，例如：男士服飾、模型、汽車、音響...依男性顧客為主嘅生意，今年可以話係財源滾滾。

Photo from shutterstock

另外，今年仲有天乙貴人，工作上都算係順利，太陽除咗係男性貴人星同時亦係代表遠方嘅星，依個星有個特性就係照遠唔照近，所以今年如果係做一啲外國人生意，或者多走動都係好事。

Photo from pinterest

既然係男性貴人星，鼠女今年遇到合適對象係會比較多，不妨把握一下！同時依個時候亦有咸池桃花，咸池桃花代表住一些虛幻短暫嘅桃花，所以今年唔好對人咁熱情，如果唔係就會好容易引發三角關係。

Photo from shutterstock

牛：

吉星：唐符

凶星：月煞、豹尾、飛廉、飛刃、喪門

屬牛嘅朋友嚟到豬年，相對狗年明顯有變好。因為喺狗年時牛係犯太歲，好多身體健康、感情、人際關係方面都不太好。

Photo from shutterstock

嚟到豬年可以開心啲喇，因為今年有唐符星，唐符依個星對事業係非常有幫助，如果你任職大公司管理層，今年嘅領導才能就可以好好發揮，所以今年事業運唔錯，財運亦唔差。

Photo from shutterstock

要注意嘅反而係人際關係，因為今年有豹尾星代表你踩到隻豹尾巴，即係犯小人嘅意思。所以今年嚟講要注意一下人際關係，少做一些中間人角色，或排難解紛都要小心點。

Photo from shutterstock

同時亦有月煞星代表女性帶嚟嘅麻煩，今年最好唔好同女人合伙做生意喇！

今次同大家講住3個先，下次再講其他！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編