黃翠如蕭正楠公開求婚細節 深情剖白愛的承諾:我們什麼也沒有,但我們擁有了對方。

黃翠如蕭正楠公開求婚細節 深情剖白愛的承諾:我們什麼也沒有,但我們擁有了對方。

生活熱話 娛樂新聞
ByJennifer on 17 Dec 2018 Digital Editor

琴晚台慶頒獎禮,除咗一眾得獎者之外,相信大家嘅焦點一定係領獎後宣布已經同翠如結婚嘅蕭正楠喇!

蕭正楠話事前其實無同翠如夾過:「我掩住阿廉把口啦,講咗俾佢聽之後,大家知佢幾咁口疏㗎啦,所以揀咗今晚去將呢件事講出嚟」,不忘窒下老友。

佢話係做咗一個旅行嘅婚禮同簽紙,仲話:「我同佢喺埋一齊,去到邊都咁開心嘅。」好sweet!

TVB
Photo from TVB

TVB
Photo from TVB

提到點解喺頒獎禮公佈,佢話因為太多身邊朋友問幾時結婚:「但想講嘅時候展鵬講咗喎,再想講時嘉穎講咗喎,硬係揀唔到乜嘢好時間去講,變咗今晚我估冇人講啦啩!」

而大家關心嘅求婚經過,原來蕭正楠係喺過山車求婚:「我就懶神秘,喺歐洲搵咗部最高速嘅過山車,諗住佢無得走,去到中程我就叫佢望過嚟,點知佢驚到個人係定咗,完全無望過嚟,我諗就到頂喇喎,之後就取消行動,收埋咗戒指,所以第一次求婚喺佢唔知情嘅情況下失敗咗。」

廣告
廣告

以為就咁失敗?之後到返翠如求婚!翠如喺ig透露:「他在過山車上向我求婚,我在河邊向他求婚。」而當時大家都好樸素:「沒有衣香鬢影,沒有氣派場地,就連一對合尺寸的戒指也找不到,然後我們在一個鄉村小市集,找到一對用餐具弄出來的小戒指⋯⋯ 就這樣吧。」配圖仲係佢兩個嘅戒指,勁romantic~

黃翠如 ig
Photo from 黃翠如 ig

最浪漫嘅係翠如講到:「那一刻,我們什麼也沒有,但我們擁有了對方。」而老公都留言:「你快樂所以我快樂」好sweet好感動啊!

黃翠如 ig
Photo from 黃翠如 ig

大批網民留言祝福,希望佢哋白頭到老!

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook