【真人版Keroro】李嘉演技爆發！冬來同Dororo 5大相似之處！

生活熱話電視電影

By Heidi on 19 Dec 2018

Digital Editor

《大帥哥》成為咗近期討論度最高嘅劇集，討論區一集推爆一個Post！除咗因為張衛健時隔22年再返TVB拍劇，仲係因為呢套劇俾人發現同卡通片《Keroro軍曹》有好多相同之處～

Photo from 大帥哥

Photo from Keroro軍曹

《Keroro軍曹》同《大帥哥》除咗兩者都係講軍人嘅故事之外，連角色名都好似！張衛健飾演嘅狄奇—Keroro；洪永城飾演嘅馬炭—Tamama；曹永廉飾演嘅顧落蘆—Kururu；徐榮飾演嘅羅義—Giroro；李嘉飾演嘅冬來—Dororo。

前幾集洪永城飾演嘅馬炭 Tamama上身，使出必殺技「Tamama衝擊波」令網民都覺得自已好似睇緊真人版Keroro咁！

琴晚《大帥哥》劇情講到狄奇同馬炭各自領軍，兵分兩路攻打敵人。顧落蘆因躲避不及而受重傷，冬來以為顧落蘆已不幸殉戰，所以跑去顧落蘆床邊，邊喊邊講出真相。原來冬來就係顧落蘆一直要搵嘅「少爺仔」，當年因為歹徒追殺，冬來同書僮顧落蘆失散，之後冬來一家又誤上賊船，父母皆被殺害。後來冬來幸得狄奇相救，自此就跟住狄奇成為軍人，冬來仲因為後悔連累顧落蘆，所以改名為冬來。

Photo from 大帥哥

顧落蘆得知冬來就係自己一直要搵嘅「小少爺」，兩人相認。

冬來呢個角色一直以來對白都係比較短同簡潔，劇中羅義更曾揶揄佢：「一句起，兩句止，三句就話去痾屎。」張衛健都曾係訪問笑稱：「我拍咗咁多年戲，未見過一個角色係咁特別，對白都係得一個字。」

但係李嘉喺琴晚個集演技大爆發，對白內容之多，可能係佢成套劇講得最多對白嘅一集。

冬來琴晚除咗對白同演技成為亮點，佢同Dororo嘅角色設定亦越黎越貼合。

名字發音，呢個唔洗講啦～
角色性格，Dororo角色成日比人遺忘，而冬來就比較沈默寡言。
曾改名，Dororo以前係叫「Zeroro」，後來因為想保護地球，所以就改名。冬來都曾改名。有網民笑稱冬來原名可能係「謝來來」。
出身富裕，Dororo原來出生喺K隆星上嘅有錢人家，冬來原本都係出身喺富裕家庭，仲有錢請書僮。
必殺技，Dororo係一個忍者，行動都係無聲無息。而冬來都係擅長暗殺！琴晚個集就係由冬來負責擊暈看守武器庫門口嘅軍人，冬來無聲無息咁走到敵方背後，三兩下功夫就KO對方，就好似Dororo咁，行動無聲無息。