【真．兄弟】曹永廉祝蕭正楠下年頒獎禮再宣布喜事 蕭正楠神回覆

蕭正楠同曹永廉兩兄弟經常你窒下我，我窒下你，勁有默契。

早兩日頒獎禮，蕭正楠公布同翠如已結婚嘅時間候，都有好兄弟曹永廉喺隔離見證。事後蕭正楠話知道佢已婚嘅人唔多，阿廉係其中之一，可見佢哋關係有幾好。

而之後蕭正楠上傳同阿廉嘅合照，仲話：「人生中重要的一個晚上，能夠有此兄弟相伴，無憾.... ！」更hashtag「最佳拍檔」。

Photo from 蕭正楠 weibo

而阿廉都有轉發：「出年頒奬禮再來多次驚人消息就最好」後面加上3個bb emoji，意思好明顯，就係祝老友早生貴子，下年頒獎禮再宣布好消息。

Photo from 曹永廉 weibo

係咪俾佢兩個嘅「兄弟情深」感動到呢？但佢哋嘅相處模式明顯唔係咁溫馨，唔窒返對方都唔舒服～

蕭正楠就神回：「不要呀，我不要你走得太早」仲要加返3個天使emoji，小編睇到都笑咗～

Photo from 蕭正楠 weibo

兩兄弟一來一往，窒下對方都係平常事，更加突顯佢哋感情好啊！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）