HMV商標背後故事超催淚!狗狗8年坐留聲機旁 側耳聽離世主人聲音!

HMV商標背後故事超催淚!狗狗8年坐留聲機旁 側耳聽離世主人聲音!

時事熱話 生活熱話
ByJackie on 21 Dec 2018 Digital Editor

大型連鎖唱片店HMV近日宣布自願清盤,呢間創立於1921年嘅英國老牌從此喺香港銷聲匿跡。會到HMV買唱片嘅朋友,相信對HMV商標中嘅小白狗一啲都唔陌生,原來佢背後有一個非常感人嘅故事,有唔少人都話故事真係超催淚啊!

Shutterstock
Photo from Shutterstock

HMV商標除咗以紅色亮光招牌較為人所熟悉,另外會放喺店門前嘅黑耳小白狗都非常經典。HMV以「小白狗側耳坐喺唱片留聲機旁」為商標,而呢個商標背後故事非常感動!

HMV全寫為「His Master's Voice」,意解「牠主人的聲音」,而呢個名就係來自Logo上嘅黑耳小白狗同主人嘅故事。

FB@HMV
Photo from FB@HMV

小狗原本係一隻喺英國布里斯托出生嘅流浪狗,1884年幸得一位英國畫家Mark Barraud收養,小狗唔知係咪從小流浪時養成「咬褲腳」嘅習慣,經常咬主人褲腳,而由於主人同小狗關係非常好,唔介意小狗咬褲腳之餘,仲將小狗名字改為「Nipper」,即「輕咬」或「鑷子」嘅意思。

Shutterstock
Photo from Shutterstock

3年後主人Mark離世,Nipper由Mark嘅細佬Francis收養。Francis為一名畫家,有日佢見到Nipper非常專注咁坐留聲機旁邊,好似側耳聽留聲機所發出嘅聲音一樣,原來舊主人Mark生前錄低咗自己嘅聲音喺留聲機中,Nipper望住留聲機聽住Mark嘅聲音,以為Mark仲在世,所以一直望住留聲機細聽。

Pinterest
Photo from Pinterest

8年後Nipper離開人世,8年間只要留聲機播住Mark嘅聲音,Nipper一定會上前坐低細聽。Francis非常懷念離世嘅Nipper,而且對Nipper聽留聲機一幕非常深刻,於是將Nipper坐𡁵留聲機旁嘅畫面畫低,直至1898年Francis終於完成畫作。

廣告
廣告

Shutterstock
Photo from Shutterstock

Francis將畫作名為《His Master's Voice》,並想於皇家藝術學院Royal Academy展出但遭拒絕。後來Francis將呢幅畫嘅Logo賣畀該留聲機公司,但留聲機公司以「小狗唔會聽留聲機」為由,同樣拒絕Francis。後來呢幅畫被另一間留聲機公司The Gramophone Company看中,邀請Francis用該公司留聲機重畫作品。

最後,這幅《His Master's Voice》成為咗該留聲機公司以及音樂唱片發行公司Logo,亦即係HMV。

Shutterstock
Photo from Shutterstock

平時大家經過HMV可能較少留意到門旁嘅黑耳小白狗Nipper,如今HMV結業,大家往後再無機會見到忠犬Nipper,但希望Nipper嘅故事可以流傳下去,大家記得曾經輝煌嘅HMV之餘,亦會記得Nipper。

圖片來源:Shutterstock、HMV、Pinterest、FB@HMV

資料來源:erikoest

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook