光洙公開承認戀情後《Running Man》首錄製 開記者會交待戀愛細節

喺上年嘅最後一日12月31號，韓國媒體就爆出綜藝節目《Running Man》嘅主持李光洙同演員李先彬拍拖嘅消息，隨後光洙亦都公開承認已經同李先彬戀愛5個月。

光洙喺《Running Man》一向係「背叛者」嘅角色，而佢喺節目入面亦都成日俾其他MC取笑佢唔識追女仔。

Photo from 《Running Man》

今次光洙出pool，終於吐氣揚眉。而熟悉節目嘅觀眾都知道，《Running Man》喺星期一錄製嘅，所以今日就係節目嘅錄製日，亦都係光洙承認戀愛後嘅首次錄製，大家都好期待其他幾位MC會喺節目度提起呢年事。

Photo from 《Running Man》

Photo from 《Running Man》

今日節目嘅導演就喺自己嘅IG度po出節目錄製現場嘅相，《Running Man》各位MC都並排坐喺張長檯前，好似開緊記者招待會咁。

而光洙更加係坐正中間，有3個mic擺喺佢面前，佢神色緊張咁好似有嘢要發表。睇嚟呢個「記者招待會」應該同光洙戀愛有關。

Photo from 李煥真 IG

Photo from 李煥真 IG

導演仲寫：「呢個星期大件事喇！#歷代級記者會#本放死守」相信今個星期就會播出有關光洙開記招嘅片段喇！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）