《日日是好日》小品帶出生活小道理！對重視嘅人「愛需要及時」 唔係錯失就會後悔莫及

每日見屋企人、同佢地食飯，好似係好平常嘅事，但其實呢啲都唔係必然，當認為理所當然而唔加以重視，就會好容易錯過，而呢個都係《日日是好日》當中帶出嘅其中一個道理。

Photo from edko films

《日日是好日》同樣都係日本國寶級演員樹木希林嘅遺作，以「茶道」貫穿成套電影，帶出生活小道理，好似話「世上有分話即刻明白同唔可以即刻明白，唔可以即刻明白嘅事需要逐少逐少去領悟」。

Photo from edko films

電影講述大學生典子半推半就同表姐美智子向茶道老師武田老師學習，典子同美智子好唔同，對前路一片迷茫，而美智子往往好清楚自己當下想要啲咩，然後拚命爭取。而典子一直堅持學茶道，甚至有十年時間都堅持住，曼後明白室牆上字畫「日日是好日」真正含意。

Photo from edko films

Photo from edko films

Photo from edko films

電影中唔少句子都好有意思，而且生活都可能會發生嘅遺憾。以為身邊嘅人存在，係必然嘅事，無好好咁珍惜每次可以相處嘅機會。

Photo from edko films

「每年我們都在做重複的事，但我最近開始覺得，能夠這樣跟同一班人做同樣的事，是一種真正的幸福。」

Photo from edko films

好多時以為係理所當然會一直咁存在，而失去咗先會發現自己錯過咗重要嘅人，但改已經無辦法追返，就算後悔亦都太遲，個時先會明白原來每次嘅見面都係「一期一會」，因為唔知幾時會有下次、仲會唔會有下一次。

Photo from edko films

同埋可以堅持做同一件事咁多年，已經唔係一件易事。如果真係鍾意做一件事，唔應該因為有無天份而諗繼唔繼續，只要鍾意就應該堅持落去。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）