《柯南》特別版！柯南變番「工藤新一」仲同小蘭公開放閃！

日本人氣動漫《名偵探柯南》自1994年連載至今已經25年，陪住好多人成長，今年更係漫畫連載第1000話。為咗答謝柯南迷一直以嚟嘅支持，原作仲推出特別篇《紅色修學旅行篇》，製作成6集故事。6集嘅特別篇故事，亦會以動畫版播映，分為加長版上下集播放。特別篇最難得嘅係將「柯南」變番「工藤新一」，終於可以同小蘭公開放閃！相信大家等呢幕都等咗好耐～

Photo from 《名偵探柯南-紅色修學旅行篇》

劇情講到柯南從灰原哀嗰邊拎到解藥，短暫變番工藤新一之後就同小蘭一齊去京都參加修學旅行。兩人過程中仲不停甜蜜放閃添～工藤新一同小蘭喺清水寺大方搭住小蘭嘅膊頭影相，幫手影相嘅好友園子都笑稱小蘭係「工藤太太」啊！小蘭亦經常緊靠住新一同翹住佢嘅手臂，好有熱戀嘅感覺，好Sweet啊！

Photo from 《名偵探柯南-紅色修學旅行篇》

新一相隔8年再向小蘭告白，小蘭就大膽咁以一個「錫錫」回應，真係要戴咗太陽眼鏡先好睇呢幕啊！

Photo from 微博@名偵探柯南事務所APTX

Photo from 《名偵探柯南-紅色修學旅行篇》

就算「柯南」變番高中生，佢嘅特殊能力依舊正常發揮，依舊查案、破案！《柯南》忠粉知道「柯南」變番「工藤新一」非常興奮，仲話終於等到官方認證嘅「新蘭CP」～

Photo from 《名偵探柯南-紅色修學旅行篇》

動畫版《紅色修學旅行篇》喺1月5日於日本播出上集，聽日（1月12日）就會播出下集。係《柯南》粉絲嘅你，記得睇啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）