香港人必去！特色展覽掀起港人集體回憶

光陰似箭， 歲月如梭。香港隨住城市發展，數十年來社會物轉星移，唔少昔日文化、生活習慣都隨住時光消失。香港歷史博物館最近就有個期間限定展覽，回顧香港在國家改革開放40年來喺經濟、社會，以及影視、音樂、體育上嘅發展同貢獻，等大家重溫香港人嘅集體回憶！

展覽名為「飛躍四十載 同發展 ‧ 共繁榮」，會場展出60多件與製造業、金融、體育、人文交流發展有關，富有時代意義嘅展品，仲加入多媒體互動元素。大家入到嚟猶如走進時光隧道一樣，回帶香港近40年來由轉口港、製造業中心，到經濟起飛，一步步成為今日嘅國際金融中心！

Photo from 政府新聞處

展覽以多角度重溫昔日香港情懷。聽歌睇電視係每個年代都盛行嘅娛樂，不過父母後生時候嘅追星煲劇文化又係點呢？展覽嘅「影視展區」讓大家時光倒流，回到那些年「電視撈飯」、用「卡式機」聽歌嘅日子！除咗有得睇返過去40年香港同內地嘅合拍電影，以及深受兩地觀衆歡迎多齣香港電視劇嘅精華片段，仲可以聽返當年風靡兩地樂迷嘅「十大中文金曲」。同場仲可以見識到唔同年代生產嘅音樂播放器材！

Photo from 政府新聞處

Photo from 政府新聞處

展覽唔只有戲睇有歌聽，仲有得玩！香港喺2008年協辦北京奧運嘅馬術比賽項目，大家想重新體驗呢件體壇盛事，可以去「體育區」玩呢個「互動模擬馬術障礙賽」，變身馬術運動員喺賽道上大顯身手！

Photo from 政府新聞處

不能錯過嘅仲有「未來區」嘅先進裸眼3D拼貼牆，大家唔駛戴3D眼鏡就可以觀賞到3D短片，以立體影像了解香港喺「一國兩制」下嘅優勢同機遇，以及「一帶一路」與粵港澳大灣區為香港帶來龐大嘅發展商機。喺「未來區」仲可透過全息投影儀器瞬間看香港，睇盡香港已啟用或即將落成嘅大型基建設施，包括港珠澳大橋、廣深港高鐵香港段、香港國際機場第三跑道、落馬洲河套地區港深創新及科技園，同埋西九文化區。

Photo from 政府新聞處

嚟展覽，打卡之餘記得要影相留念，拍照區提供以過去40年唔同階段為設計背景嘅報章雜誌封面，大家可以同朋友成為封面人物。影完之後仲可以經電郵接收照片，方便喺社交媒體平台同家人朋友分享。

Photo from 政府新聞處

展期去到今個月28號咋，想細味香港珍貴每一面，快啲約定屋企人朋友一齊去參觀啦！

「飛躍四十載 同發展 ‧ 共繁榮」展覽
日期：即日至2019年1月28日
開放時間：星期一、三至五：上午 10 時至下午 6 時
                     星期六、日及公眾假期：上午 10 時至晚上 7 時
                     星期二（公眾假期除外）休館
地點：尖沙咀漆咸道南100號香港歷史博物館一樓大堂
費用：免費
主辦： 政府新聞處

Presented By 政府新聞處