超夢幻打卡!紮染坊藝術展~逆光星塵極迷人!沉澱治癒心靈好地方~

超夢幻打卡!紮染坊藝術展~逆光星塵極迷人!沉澱治癒心靈好地方~

Hong Kong 香港食玩HKplace 香港好去處Life 本地生活Trendy 潮物玩意Event 展覽及活動HotTalk 熱門話題
By PressLogic on 28 Jan 2019

新一年,想搵個地方俾自己嘅心靈停一停、沉澱一下,不如就嚟睇呢個免費展覽,等藝術品治癒一下大家啦!

呢個大型紮染藝術展覽由「巨人染」設計主理,主題係「逆光II 共生 Behind the light Coexistence」!目的係喚醒大家去欣賞下呢個美麗嘅香港,表達就算我地喺華麗嘅燈光背後,同大自然都一齊共生;亦都想提供一個沉澱心靈嘅地方俾生活繁忙大家去休息下!

PressLogic
Photo from PressLogic

呢次嘅展覽係上一個展覽嘅延續版,有4個展區,每個展區嘅主題都唔一樣嫁!
第一個展區係「城市光影」,由多塊紮染布所拼砌成城市嘅輪廓,就好似大家身處嘅香港,萬家燈火、五光十色~
而大拼布下方不規則嘅邊緣,其實係山嘅剪影,代表左喺呢個五光十色嘅背後,被遺忘、遮蓋嘅山林同大自然~

PressLogic
Photo from PressLogic

PressLogic
Photo from PressLogic

喺呢個「大城市」背後,仲有一塊塊七彩紮染布所組成嘅迷宮!
大家參觀嘅時候喺布幔間穿梭,就好似置身喺香港呢個繽紛嘅城市入面咁!

PressLogic
Photo from PressLogic

走過「城市光影」,會嚟到「穿越森林」!
兩個區域咁近嘅連接都好有意思,代表左其實大自然同城市好近,只有一步之隔!
呢個「森林」由20層染布組成,層層疊嘅設計就好似森林嘅環境~

PressLogic
Photo from PressLogic

除左布幔,地下都舖滿左乾枯嘅樹葉,行過就聽到「沙沙」聲,猶如行過真嘅森林一樣~
再加埋光影效果,大家就好似穿過樹林,向光嘅出口走咁,去到另一個世界!

PressLogic
Photo from PressLogic

最後,經過城市同大自然,嚟到可以沉澱心靈,寧靜嘅世界!
抬頭一望,見到好迷人嘅「願望之花」~花瓣由曼陀羅紮染布所整成,加埋燈光效果,好靚~
大家嚟到參觀嘅時候,仲可以喺「願望之花」下面,用「白小頁」願望卡寫低新一年嘅願望添~

PressLogic
Photo from PressLogic

最後壓軸嘅藝術品就係「星塵」!
呢個作品係一幅高6米、闊13米嘅巨型紮染布,好壯觀~
目的係帶領大家回到萬物之初,尋獲翻寧靜嘅心~
亦都話俾大家知,美麗嘅事物一直喺大家身邊,同大家共存!

PressLogic
Photo from PressLogic

《逆光II 共生 Behind the light Coexistence》
日期:即日至 2019年 2月 9日
時間:10am-9pm
地址:青年廣場2樓Y劇場

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic


Share to Facebook