5套新年必睇賀歲片／港產喜劇 笑聲滿屋迎新年！

新年冇咩做，最啱就係去睇戲！但出去睇戲又貴，又要同人逼，不如留番喺屋企翻煲歷年經典賀歲片／港產喜劇！

1.嚦咕嚦咕新年財（2002）
新年梗係要打麻雀，發個新年財咖啦！正所謂「唔賭唔知時運高」，但無論你同咩人打，都一定要有牌品！學劉德華話齋：「記住人品好，牌品自然好。」大家發新年財嘅同時，記得「小賭怡情」啊！

Photo from 嚦咕嚦咕新年財

Photo from 嚦咕嚦咕新年財

2.行運超人（2003）
有鄭中基同谷德昭又係喜劇嘅象徵！鄭中基飾演嘅斷蟹／斷水流花盡心機左右葉孤紅（楊千嬅飾）命運，幸得有賴料布（劉德華飾）相助，先可以帶佢逃離「黑仔」運程。《行運超人》最經典嘅都係鄭中基扮女人！

Photo from 行運超人

Photo from 行運超人

3.家有囍事（1992）
由張曼玉、搞笑天后吳君如、仲有無厘頭始祖周星馳、張國榮、毛舜筠等主演，見到有周星馳、吳君如呢對經典搞笑組合，就知呢套嘢冇得輸！佢嘅經典金句「多鑼鑼」：有周星馳講嘅：「邊個淫蕩啊，你淫蕩；邊個淫蕩啊，我淫蕩！」、巴黎鐵塔反轉再反轉、「佢患嘅係無定向喪心病狂間歇性全身機能失調症。」、「人生有個真正朋友的確好極，飲勝！」......

4.西遊記-仙履奇緣（1995）
孫悟空周星馳同扮演唐三藏嘅羅家英被人困住喺山洞唱：「Only you~ Can take me取西經～」超級爆笑，一定要聽中文，廣東話版先係最傳神！孫悟空對住摯愛紫霞仙子講嘅：「曾經有段刻骨銘心嘅愛情放喺我面前，我冇好好去珍惜...」同樣非常經典。仲有，當年以紫霞仙子一角迷死各位少男少女嘅朱茵，到依家仍然冇人取代到佢嘅地位！新嘅一年希望大家都可以甜甜蜜蜜，珍惜珍惜身邊嘅人啦～

Photo from 西遊記之仙履奇緣

Photo from 西遊記之仙履奇緣

5.龍咁威（2003）
「龍咁威特種警衛，威猛我真勇毅...」我諗冇人未聽過～ 鄭中基、李燦森同張達明呢個三人組為主嘅龍咁威系列又係新年必睇！每集都有多個笑彈！新年同家人、親戚一齊睇，包你滿屋「笑聲笑聲滿載溫馨！」

Photo from 龍咁威

Photo from 龍咁威

雖然年年睇，睇咗無數咁多次，但仍然係次次睇，次次笑！新一年，希望大家繼續笑口常開，福氣、運氣一齊來！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）