「隨便睇隨便揀 要咩可以介紹返」原來越叫越趕客！日本店舖以不叫賣取勝 為顧及客人感受

話說有無朋友都係嗰啲行街好怕店員係咁「關心你」，「歡迎光臨，隨便睇隨便揀！要咩可以介紹返喎」，而你亦都表明咗「噢得㗎啦，我自己睇吓先。」

之但係你去到邊佢就去到邊，好似貼身看護咁，你每拎起一樣產品，甚至只係離遠望一望，佢就好似報價機咁自動報價再將所有資訊塞入你耳仔：「呢個新返㗎，做緊優惠，原價$1888，依家$1880咋」。

Photo from 《志明與春嬌》劇照

你表示禮貌地微笑一下，佢鍥而不捨：「有無話想要咩類型嘅產品啊？買畀自己？送畀朋友？送畀男朋友呢～～～？」心諗：「都話自己睇吓先囉！畀我靜吓啦」

Photo from shutterstock

呢個時候已經會令身為顧客嘅你好唔耐煩，只係想靜靜地睇嘢姐，最後甚至會選擇「走啦！唔睇啊！」

Photo from 《志明與春嬌》劇照

如果有同樣諗法嘅朋友，其實係正常㗎！因為店員越叫係真係會越趕客㗎！

Photo from 《志明與春嬌》劇照

日本《朝日新聞》新聞專題節目到訪多間店舖，發現店員其實都唔會主動同客人講嘢。當中有一間經營咗6年嘅古着店店主表示，佢哋嘅優先考慮係令客人感到舒適，所以佢哋唔會叫賣。呢間古着店比較特別嘅地方，係員工會以訊息同客人交流，每個店員都有自己嘅「追隨者」。

Photo from shutterstock

店員喺網上宣傳，係佢哋嘅銷售策略。有店舖表示，佢哋旗下包括兼職員工都有專屬嘅個人Twitter同Instagram，有客人甚至特登為咗見自己「追隨」嘅員工一面而特登去店舖。

Photo from shutterstock

好多年輕人都鍾意去道頓堀行街，有位於道頓堀嘅店舖店員發現有啲客人會戴咗耳機先行入間店，其實目的就係隔絕店員聲音，畀自己靜靜咁睇嘢。所以其實依家好都人都未必鍾意同店員交流，連眼神接觸都盡量避免，網上亦有唔少呢類留言。

Photo from shutterstock

或者呢個世代，唔少人其實都比較鍾意自己靜靜地行街，覺得店員不停同自己sell嘢會有壓力，所以店員越叫賣反而越會令客人反感，越係唔會幫襯。不過其實喺sales嘅角度去睇，有時佢哋都係因為工作需要，逼不得已嘅姐～

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編