回憶返曬嚟～棒棒堂解散10年後重聚！

台灣男子偶像團體「棒棒堂」2006年出道，六位成員敖犬、小煜、威廉、阿緯、小傑同埋王子跳得又唱得，唔少90後少女都曾經鍾意過佢地！

Photo from 敖犬微博

但2009年小傑同王子改簽公司，離開棒棒堂，好多人都覺得好可惜！剩低嘅4位成員重組成「Lollipop F」。2017年，成員約滿但冇續約，棒棒堂正式解散。

Photo from 敖犬微博

近日六子重聚，大家都一齊曬齊人合照。網民都話：童年回憶返曬嚟！

Photo from 敖犬微博

隊長敖犬話：「2009拆團，2019合體，我們是Lollipop棒棒堂??????10年了，當年的你們還好嗎哈」
威廉仲搞笑留言話：「你老了十歲...剛剛坐你旁邊，你有老人味」敖犬自信回覆：「但很抱歉的是我還是帥」

Photo from 敖犬微博

Photo from 敖犬微博

王子就話：「我知道你們等很久了 #棒棒堂」，而阿緯就話：「我們之間～老了好多歲」哇！大家仲記唔記得《我們之間》呢首歌呀～

Photo from 王子Facebook

其實呢次聚會仲爭一個人，六子亦特登留咗個位置比佢，佢就係Andy哥（張世明）啦，佢係《模范棒棒堂》節目總監，一手發掘咗「棒棒堂」同「黑澀會美眉」。

Photo from Andy哥Facebook

Andy哥雖然有事出席唔到，但佢都有曬出呢張合照：「我的感受，你不會懂！等我再聚。#棒棒堂 #我的六棒 #我的座位 #永遠記得最初的夢」

見到棒棒堂重聚，真係有好多回憶返返嚟呀～黑糖瑪奇朵、黑糖秀、苦茶、愛情學測、哪裡怕⋯⋯

Photo from 黑糖瑪奇朵

唔知幾時可以見到黑澀會美眉重聚呢？

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）