《死亡無限2次Loop》續集唔一定唔好睇! 終於知點解不停Loop  搞笑又感人  仲有少少親情版《求婚大作戰》感覺

《死亡無限2次Loop》續集唔一定唔好睇! 終於知點解不停Loop 搞笑又感人 仲有少少親情版《求婚大作戰》感覺

Hong Kong 香港食玩Life 本地生活Movie 電影HotTalk 熱門話題
By Presslogic on 13 Mar 2019

上集嘅《死亡無限Loop》低成本製作,但票房大收,仲好好口碑添!唔少人擔心今次續集因為珠玉在前,會令人失望,結果呢次無令觀眾失望,而且仲好好解釋咗點解上集同今集都仲係不停Loop,睇睇下仲有種似似地睇親情版嘅《求婚大作戰》添!

Universal Pictures
Photo from Universal Pictures

故事講述Tree經歷11次死完又復活,終於唔再不斷Loop死過又翻生,重覆過生日個日,畀BB面具殺手追殺。諗住可以過返平靜日子,同Carter開始發展,諗住可以過返新生活,點知突然又過返生日同死忌不斷輪迴,今次玩法仲唔同咗咁,所以佢決定「自己Reset」,搵出可以返去原本世界嘅方法。

Universal Pictures
Photo from Universal Pictures

睇之前諗今次會唔會都係「續集一定唔好睇」嘅魔咒,因為上集以低成本製作,但因為搞笑又有新意嘅情節令票房大收,但一聽到佢有續集就唔少人都擔心會玩爛條橋,認為應該見好就收。但睇完就覺得好搞笑,但又帶出咗少少道理。

Universal Pictures
Photo from Universal Pictures

上一次要不斷被殺搵出兇手,要殺咗兇手先可以停止Loop。而呢次同上次唔同,唔止要搵出兇手,仲會解開上次點解時空會不斷重重覆覆嘅謎團,

Tree喺電影入面要搵出點樣可以留喺呢個次元、走出重重覆覆死完又復活嘅輪迴,唯有靠自己不斷死去證實理論,而呢個唔同「自殺」過程都好搞笑,而佢每次仲要笑住咁自殺。

Universal Pictures
Photo from Universal Pictures

不過當中都承接上集所講,Tree不斷死都會造成佢身體唔同嘅負荷,所以佢「自殺」嘅次數都有限制,以致佢並無咁多quota試太多次。

上集都有講到Tree嘅媽媽逝世對佢造成好大嘅影響,但呢個不斷重覆嘅時空中,佢媽媽並無死到,令到佢唔想離開呢個時空。不過係呢個時空入面佢鍾意嘅人Carter唔係同佢一齊,而係佢朋友嘅男朋友。變咗一係要返去同Carter一齊、但媽媽已死嘅時空;一係Carter同朋友一齊,而媽媽仲在生嘅時空。

Universal Pictures
Photo from Universal Pictures

每次見到Tree Loop完又Loop,重重覆覆同媽媽喺生日當日相處,感受到Tree好想留低媽媽仍生存嘅時空,但經過佢愈嚟愈多次重覆,佢開始明白就算幾想都好,佢始終唔係屬於呢個時空,都無同呢個時空嘅媽媽嘅一啲經歷。

講出人生中一個重大課題——「要學識放手」

Universal Pictures
Photo from Universal Pictures

當Tree預知自己可能係最後一次Loop,即係代表呢次係最後一次見到媽媽,Tree同媽媽講嘅一番話真係會令觀眾眼濕濕。

而《死亡無限2次Loop》今次亦扭橋再扭橋,例如返去醫院「惡鬥」嘅一幕都幾估佢唔到。同埋好似Tree咁,經歷咁多次生生死死,為保命仲「殺過」咁多次人,就會覺得現實如果有呢個人,都真係幾危險人物,因為已經唔再驚「殺人」同「被殺」咁。

Universal Pictures
Photo from Universal Pictures

以及有啲位唔係咁合情理,但基於「睇故唔好駁故」嘅原則同娛樂性高嘅情況下,又有感人位同搞笑情節,係值得入場一看。

Universal Pictures
Photo from Universal Pictures

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic


Share to Facebook