繼《2月14顛沛流離》後再一力作 網民改編《逼得太緊》變香港地方名！

早前2月14日情人節有一眾網民將李克勤首《紅日》改編做《2月14顛沛流離》。身為《紅日》填詞人嘅李克勤表示有關注網民改歌，仲出咗個Post為大家率先唱兩嘴添～

Photo from IG@hacken1206

過咗唔夠一個月，連登巴打絲打又再出動，今次係改編吳雨霏12年前嘅經典歌《逼得太緊》，將歌詞換成香港地方名，大部分係港鐵站嚟，非常過癮！雖然站名同之後嘅歌詞並冇關連，但聽落好啱音，毫無違和感，非常搞笑。

「元朗知錯 坑口乃念最初 太古都快樂過 要奧運懲罰我 西灣河～你太旺角使我大學落得多～ 赤柱去得多～ 假使粉嶺及太和 求青衣欣澳荔景原諒我～」

Photo from shutterstock

「藍田總想吻情人 油塘不可變責任 如黃竹坑怎得到快感～樂富 為你早戀米埔 成為佐敦的怪人 欣澳值得一吻 和你未襯～」

Photo from shutterstock

「馬鞍山知不應該 烏溪沙與你示愛 羅湖附近令你沒自由出外～大棠活該 深井也被深愛 青衣貝澳淚落白泥 啟德 赤柱 分開～」

Photo from shutterstock

雖然有唔同版本，亦有啲歌詞仲調整緊，不過有網民已經唱咗出嚟，畀大家過下癮先～依家率先畀你哋聽下集合多位大神創意嘅傑作！

中間嘅「西灣河」真係不得了～有網民改咗首港鐵站名篇，仲有人提議遲下港鐵可以考慮用呢首歌代替MTR song添，或者用呢首歌同人介紹香港仲易記，仲親切啊～

作為主唱嘅Kary都有留意呢個Post，仲Share咗喺佢IG Story到，貼上4個笑哈哈符號！睇嚟Kary幾滿意佢網民填嘅詞～唔知Kary會唔會學李克勤咁唱番兩嘴呢？

Photo from IG@ngk

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）