英式下午茶最高典範！超經典必食～聯乘高貴意大利珠寶！

想食最原始最經典嘅英式下午茶，相信大家都會諗到呢度！

Photo from PressLogic

呢間立足係尖沙咀足足90年歷史嘅酒店，當中嘅大堂下午茶絕對係高貴下午茶中經典嘅典範！難怪每一日都有長長人龍去嘆個經典嘅英式下午茶。

Photo from PressLogic

最近佢地推出呢個新嘅下午茶，聯乘意大利珠寶名家BVLGARI。以繽紛嘅橙黃調顏色作為主色，一系列有夏日色彩嘅茶點絕對吸引眼球同味蕾～

Photo from PressLogic

呢個主題嘅下午茶同樣以佢地經典三層銀架奉上，最上層嘅係甜點，中間嘅係鹹點，而最底層係剛烘熱嘅招牌自家製英式鬆餅！

甜點一共5款，包括：意大利曲奇配朱古力忌廉、提拉米蘇撻、香芒啫喱配酸奶奶凍、意式杏仁蛋糕配香橙果醬、橘子味朱古力。

Photo from PressLogic

意大利曲奇配朱古力忌廉
曲奇係軟曲奇質感，中間嘅朱古力忌廉會較甜，朱古力嗜甜嘅你絕對會心花怒放～

提拉米蘇撻
撻皮有濃濃可可香，配合上面嘅意大利軟芝士Mascarpone Cheese令提拉米蘇感覺神還原！

香芒啫喱配酸奶奶凍
超討喜嘅外型～奶凍奶香滿滿，配合芒果微微酸甜，整體入口感覺唔會太甜膩！

意式杏仁蛋糕配香橙果醬
呢個一口嘅杏仁蛋糕，口感大約似瑪德蓮蛋糕！放入口齒頰滲出陣陣香橙果香！超級香甜～

橘子味朱古力
咬開橘子香味湧出！清新感覺同甜味平衝相宜～剛好完美結束甜點部分！！！

Photo from PressLogic

而鹹點一共4款包括：粟米蓉蛋奶凍配牛油粟米、煙三文魚配黃薑包發檸檬珍珠、意大利風乾火腿·牛油脆酥皮·脆藜麥、香草青瓜·甘荀包·意大利軟芝士·小蕃茄。

Photo from PressLogic

粟米蓉蛋奶凍配牛油粟米
上面呈螺旋形嘅係蛋黃醬，裡面有粒粒粟米嘅蛋奶凍口感層次好豐富！微微鹹甜配合上面濃郁蛋黃醬，絕對係可口小點！

煙三文魚配黃薑包發檸檬珍珠
呢款嘅黃薑包略嫌乾身，煙三文魚肥美惹味，配上粒粒檸檬珍珠絕對係驚喜，完全提起鮮味！

意大利風乾火腿·牛油脆酥皮·脆藜麥
呢款酥皮盒偏鬆香感覺，風乾火腿重重鹹香不斷，中間更夾有爽脆嘅醃青瓜片，兩者意外地配合得好。

香草青瓜·甘荀包·意大利軟芝士·小蕃茄
呢款以三文治方式呈上，軟芝士將食材融合！欣賞甘荀包鬆軟非常，係可口小點之一！

牛油香滿溢嘅鬆餅係餅店自家焗製，奉上嘅時候烘得熱熱，入口鬆軟。配上濃郁嘅奶油忌廉同有機草莓果醬，呢個感覺太幸福了！

Photo from PressLogic

下午茶仲配茶或咖啡，當中嘅香味茶口味琳瑯滿目！杏仁、焦糖、玉桂、芒果、熱情果、蜜桃、紅桑子、玫瑰款款都好吸引。

每日去到12點，呢個大堂仲會有現場演奏嘅弦樂！配合古典音樂食呢個下午茶，真係賞心又悅目～

Photo from PressLogic

留意想食到經典英式下午茶就要下啲功夫喇！由於下午茶不設訂位，所以要排隊等候嫁～小編到訪當日真係滿滿嘅長龍！不過食完就絕對覺得值得等待！

「BVLGARI FIOREVER & THE PENINSULA」特色下午茶
供應地點：香港半島酒店大堂茶座
地址：
價錢：$398／每位；$718／兩位
供應時間：2019年2月1日至3月31日 14:00～18:00
訂座電話： 2696 6772

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編