《Marvel隊長》復仇者聯盟嘅前傳 解開Marvel電影宇宙7大謎團！點解Marvel叫Marvel？終於知道復仇者聯盟嘅來源

《Marvel隊長》尋日首映，主要講返Marvel隊長嘅故事，唔少人都期待，因為隔咗一個月就會輪到《復仇者聯盟4》，會想知道兩者關係大唔大，會唔會透露到唔少資訊，暫時影評都係好壞參半，到底值唔值得入場睇？

Photo from Marvel

今次《Marvel隊長》話係《復仇者聯盟》嘅前傳亦不為過，當中穿插幾多笑位，會補返唔少漫威電影宇宙嘅空白，解釋咗唔少之前觀眾都會疑惑嘅地方，不過接下來可能會劇透，介意嘅朋友斟量閱讀。

Photo from Marvel

1. 點解「復仇者聯盟」同復仇者拉上關係？
相信好多人以前睇《復仇者聯盟》都會疑惑過﹐點解叫「復仇者」聯盟？有仇要報咩？原來係費局長遇到Captain Marvel後，知道地球仲會有好多好似佢咁嘅英雄，就想一個個搵到佢地，再集合埋一齊。再見到《Marvel隊長》Carol留下以前嘅一張相，背景嘅戰機印住「復仇者」，令費局長將呢個集合英雄嘅計劃改做「Avengers Project」。

Photo from Marvel

2. 點解Marvel叫Marvel
原來Marvel個名係來自今次《Marvel隊長》其中一個出場唔算多但重要嘅角色名曼威，讀歪少少就係Marvel，神盾局費局長仲唱埋出嚟！

Photo from Marvel

3. 海報隻貓貓係最強嘅幫手
好多人都好奇好搶眼嘅貓貓Goose係套戲有咩作用，原來佢戲份都幾重，仲要係電影入面有好重大作用。《Marvel隊長》計起嚟除咗Captain Marvel Carol打得之外，第二打得就係Goose，入場睇就知佢有幾打得！

Photo from Marvel

4. 《復仇者聯盟3》費局長消失時跌嘅Call機用途
睇《復仇者聯盟3》時都會留意到，費局長見勢色唔對，打算用Call機搵人嘅時候就消失咗，而呢個Call機出現嘅一個圖案，原來係Captain Marvel嘅Logo嚟，亦即係預告佢將會係《復仇者聯盟4》再度登場。

5. 費局長左眼嘅眼罩
一直以嚟見到費局長嘅左眼係咩事，有猜測係以前戰鬥受傷嘅戰蹟嚟，真相估都估唔到係咁可愛！唔關打鬥事，而費局長似乎都唔想畀大家發現係因為咁搞笑嘅原因令到要戴眼罩，大家問到係咪因為任務英勇表現搞成咁，而費局長都好巧妙咁講：「我無承認亦無否認。」令大家都誤會晒！

Photo from Marvel

6. Marvel隊長強嘅原因
原來成套電影都係圍繞住能源核心、魔方，唔同嘅戰爭同力量都係因為佢地而起，亦即係《復仇者聯盟3》同《復仇者聯盟4》一直不斷提及嘅魔方，呢集都會出現，到底同Marvel隊長嘅力量有咩關係？又係咪喺《復仇者聯盟4》救全家？

Photo from Marvel

7. Marvel隊長套衫紅藍色嘅原因
唔少人都以為佢套制服係因為類似美國隊長咁嘅原因，但原來本來係詭族戰鬥服裝嚟，顏色就係因為戲中Carol個朋友嘅囡囡幫佢揀，唔完全因為「美國」而變成紅藍色。

Photo from Marvel

Photo from Marvel

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）