《愛回家》「破壞界KOL」金城安又闖禍 苦主大聯盟再添新成員

無敵破壞王金城安又有新作！琴晚《愛回家之開心速遞》播到廢青安仔再次搞事，令人笑到碌地！

首先，佢就去咗朱凌凌爸爸間律師樓諗住擺底啲朱凌凌作品俾佢哋睇，引嚟朱展佢哋大驚失色，安仔就表示去咗廁所開咗個水掣。

Photo from 《愛回家之開心速遞》

其實個廁所壞咗，水掣唔開得，結果朱展佢哋一開門就出事，啲水流到成地都係，整濕晒啲文件，連養咗好耐嘅黑錦鯉都唔見咗，仲整壞埋大廈兩部?要賠錢。

Photo from 《愛回家之開心速遞》

另一邊，安仔就帶道德經上門賠罪，譚道德本身叫佢擺埋一邊，但破壞界KOL出手點會無嘢發生，安仔又整爛咗譚校長個獎喇！仲搞到譚何容儀受傷添！

Photo from 《愛回家之開心速遞》

Photo from 《愛回家之開心速遞》

幾位苦主就現身送水輝間酒吧借酒消愁，點知發現金城安竟然喺度打工！佢哋呼籲送水輝即刻炒咗安仔，仲警告送水輝小心會生意失敗、家破人亡！

Photo from 《愛回家之開心速遞》

Photo from 《愛回家之開心速遞》

而送水輝同樹仁傾計嘅時候就提到安仔個人唔錯，係大學生，仲可以幫Philip仔補習添！小編真係想講句：「少年，你太年輕了！」

Photo from 《愛回家之開心速遞》

果然，當Philip仔打嚟話想睇卡通嘅時候，送水輝就叫佢睇《無敵打怪獸》，點知金城安俾咗套《無敵鬼妹打怪獸》嘅三級片佢睇，搞到送水輝都忍唔住講咗句「打靶仔！」

Photo from 《愛回家之開心速遞》

咁都未夠！金城安仲將大飛哥擺底嘅92年「罅隙」當係$99平嘢俾啲客飲，大飛哥知道之後大怒，叫班手下大鬧酒吧。

Photo from 《愛回家之開心速遞》

Photo from 《愛回家之開心速遞》

終於體會到「生意失敗、家破人亡」嘅送水輝決定要炒咗金城安！

Photo from 《愛回家之開心速遞》

Photo from 《愛回家之開心速遞》

而知道呢個消息嘅朱展同譚道德即刻趕往現場「欣賞」呢個大快人心嘅場景。仲錄底佢作留念添！

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

點知執嘢走嗰陣，安仔就聽到大飛哥兩個手下留底咗袋嘢喺廁所想陰送水輝，就自告奮勇幫送水輝搞掂佢。

Photo from 《愛回家之開心速遞》

Photo from 《愛回家之開心速遞》

喺條街見到警察嘅金城安匆忙下將袋嘢掉落架開蓬跑車度，成功幫到送水輝！

Photo from 《愛回家之開心速遞》

件事梗係唔係就咁完喇！「破壞界KOL」唔係浪得虛名，原來袋嘢係「屎蜢」，而架開蓬車係朱展佢哋架車！

Photo from 《愛回家之開心速遞》

而睇完安仔被炒嘅場面，朱展同譚道德佢哋心滿意足咁坐上架車......結果當然係又中招啦！

Photo from 《愛回家之開心速遞》

呢個大反轉夠出人意表，以為送水輝會加入苦主大聯盟，點知金城安天敵始終係譚道德佢哋～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）