【熱完又涼返】冷鋒今晚殺到！周末有狂風雷暴 周日最低氣溫17℃

雖然呢幾日熱咗好多，唔少人出街都轉咗著短袖衫，不過天文台預料今晚將會有一道冷鋒橫過本港，隨後幾日氣溫將會轉涼，仲會有狂風雷暴！

據香港天文台分區天氣資料，今日天氣炎熱，部份地區最高錄得27、28℃。

Photo from 香港天文台

不過天文台預測，今晚將會有一道冷鋒橫過珠江口一帶，影響本港天氣，局部地區更會有雷暴，晚間風勢頗大，轉吹和緩至清勁東北風。

Photo from shutterstock

另外，根據香港天文台九天天氣預報顯示，今晚同周末將會多雲有驟雨及局部地區狂風雷暴，天氣顯著轉涼。到下星期中先再有陽光，氣溫將逐漸回升。

Photo from 香港天文台

今個星期日最低氣溫只有 17℃，部份地區更會再低一兩度。

Photo from 香港天文台

今個Weekend大家無得同陽光玩遊戲，出街記得帶遮同著多件衫啦！

資料來源：香港天文台

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）