聽Talk掛住玩電話睇片！ 陳奕迅大學分享會黑面感不被尊重 嬲爆請學生離場 網友大讚：真性情、嬲得好

最近有「吹神」之稱嘅歌手陳奕迅（Eason）一放完假就繼續馬不停蹄咁喺香港各大專院校，進行「L.O.V.E. in F.R.A.M.E.S. 大專巡迴分享會」，希望同學生互動交流。

Photo from 陳奕迅 Eason Chan@Facebook

不過尋日嗰場分享會就發生咗嘅唔係咁愉快嘅小插曲。

Photo from 陳奕迅 Eason Chan@Facebook

其實一開始時，陳奕迅同嘉賓、教師、學生代表一齊出場，並開始進行交流，當時Eason仲同現場嘅大家有講有笑，更搞笑對在場嘅內地生講：「學好啲廣東話啦！」，引嚟全場大笑亦掌聲不斷。

Photo from 陳奕迅 Eason Chan@Facebook

不過一到咗問答環節，氣氛就有好大嘅轉變，部份學生舉手發問時提出要求合照以滿足個人私慾嘅要求，而有同學更只係為展示過去嘅合照而舉手，而唔係真係想發問，因而剝削其他同學真正想提問嘅機會，而Eason嘅臉色亦因此漸漸難看。

Photo from 陳奕迅 Eason Chan@Facebook

仲令Eason不滿面黑，直斥在場同學一直低頭玩電話，又嚴肅地請無意交流嘅同學離開。

Photo from 陳奕迅 Eason Chan@Facebook

最後仲取消埋原定嘅全場大合照，分享會亦草草收場。

Photo from 陳奕迅 Eason Chan@Facebook

而當時喺現場嘅網友指分享會開始前主持已經特別用三種語言提醒同學，分享會期間唔可以拍攝，但依舊有部份同學無視大會規定，而喺播放音樂紀錄片時，現場亦有學生不斷撳電話，甚至有人一邊聽Talk一邊用電話睇片。

在 Instagram 查看這則貼文

Finally...L.O.V.E. #easonandtheduoband #LOVE #21DEC

EAS Music 易思音樂（@yisiyinyue）分享的貼文 於 PST 2018 年 12月 月 20 日 上午 6:42 張貼

唔少網民批評呢次分享會嘅學生質素差劣，唔識尊重人之餘亦唔尊重場合，又指唔明如同學冇興趣聽，又點解要出席呢，唔通只係因為演講者係明星想打卡滿足個人私慾？！亦呼籲學生要好好珍惜機會，因為咁好嘅機會唔係話想有就有。另外，有網民就大讚Eason「嬲得好」，係真性情。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）