【新優惠】聽日麥當勞免費派港式奶茶/$10芝蛋脆雞堡 新推炒雙蛋脆雞早晨套餐

麥當勞再推出期間限定優惠！聽日（4月2日）起將會推出兩大早餐優惠：免費派發1000杯港式奶茶、優惠價$10「芝蛋脆雞堡」！另外，4月8日仲會新推炒雙蛋脆雞堡同脆雞早晨套餐，相信又會引起新一輪排隊熱！

麥當勞將4月2日定為「麥當勞全城奶茶日」，當日早上7時起，每間餐廳將免費派發1,000杯凍/熱港式奶茶（細）。

Photo from 麥當勞

而大家又可以喺4月3日，隨免費報章派發及可於麥當勞App下載「港式奶茶免費換領券」，憑券可於4月3日至4日（每日早上9時至晚上11時59分）到指定分店免費換領凍/熱港式奶茶（細）一杯。大家可以連續3日免費飲奶茶！

Photo from 麥當勞

Photo from 麥當勞

聽日各大麥當勞分店同時會派發「$10芝蛋脆雞堡」早餐優惠券，大家可憑券於4月2至4日以$10超值優惠價品嚐到「芝蛋脆雞堡」。「芝蛋脆雞堡」由英式鬆餅夾著蛋、麥香雞塊同車打芝士，配埋免費奶茶做早餐，真係好抵食！

Photo from 麥當勞

要注意以上優惠只於早上11時前供應，供應期及數量有限，售完即止。大家想食就真係要早啲起身啦！

另外，炒雙蛋早餐系列又推出新口味！全新炒雙蛋脆雞堡同脆雞早晨套餐將於4月8日推出，而炒雙蛋脆豬堡將於4月底登場。炒雙蛋系列使用兩隻美國A級大蛋，炸雞同吉列豬扒上再加上蛋黃醬，感覺好惹味，喜歡食炒蛋嘅朋友記得留意啦！

Photo from 麥當勞

Photo from 麥當勞

Photo from 麥當勞

「麥當勞全城奶茶日」
日期：4月2日早上7時起
條款：每人每次只可換領一杯熱港式奶茶(細)或凍港式奶茶(細)，先到先得，派完即止
「麥當勞全城奶茶日」不適用於海洋公園、亞洲貨櫃大廈、九龍灣工業中心、沙田馬場、跑馬地馬場、金鐘海富中心及機場離境大堂的麥當勞餐廳。

超值優惠價$10「芝蛋脆雞堡」
日期：4月2日至4日早上11時前供應
條款：供應期及數量有限，售完即止
「芝蛋脆雞堡」的供應地點不包括海洋公園、亞洲貨櫃大廈、九龍灣工業中心、沙田馬場、跑馬地馬場、金鐘海富中心及機場離境大堂的麥當勞餐廳。

早餐炒雙蛋系列-全新限定漢堡及早晨套餐
條款：只於早上11時前供應
供應地點不包括九龍公園、海洋公園、沙田馬場、跑馬地馬場和九龍站的麥當勞餐廳

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）