
Pixar版12星座!《怪獸公司》羅茲/《蟲蟲特工隊》肥克/《反斗奇兵3》箭豬先生你又估唔估到佢哋咩星座呢?
每個人都有佢自己嘅性格特徵同星座,其實動畫角色都一樣,都有屬於佢哋嘅星座個性!

近日Pixar Animation Studios就喺官方Instagram公佈《Pixar》版12星座,快啲一齊嚟睇自己嘅星座係邊個動畫角色做代表喇~

水瓶座-《太空奇兵·威E》WALL-E

WALL-E一個會思考、對話、有情感嘅機器人,小小嘅身體,大大嘅眼睛,相當專情,絕對係水瓶座嘅代表!

雙魚座-《反斗奇兵3》箭豬先生

大家對箭豬先生可能冇咩印象,其實佢係寶妮家嘅公仔,善良好相處、唔鍾意爭執,有時仲會鑽牛角尖,係一隻多愁善感嘅小箭豬嚟呀!

牡羊座-《怪獸公司》羅茲

羅茲喺電影中係一個行事衝動、三分鐘熱度,不過工作效率高嘅大嬸,相信大家對呢位大嬸嘅印象應該係佢對大眼仔同毛毛發嬲時嘅樣喇~
金牛座-《沖天救兵》德仔

德仔,一隻活潑可愛、愛撲倒主人,仲會講嘢嘅黃金獵犬。

雙子座-《蟲蟲特工隊》肥克

雖然肥克肥啫啫咁,不過佢其實係一條非常靈活、能言善道、適應力高嘅毛毛蟲,而且佢仲係不折不扣嘅吃貨嚟添呀~

巨蟹座-《海底奇兵》多莉

迷糊多莉雖然很成日唔記得嘢,不過佢超有義氣!
獅子座-《反斗車王》閃電王麥坤

一輛渴望贏得「活塞杯汽車大賽」嘅新晉賽車,個性自負,霸氣十足,做事仲有啲橫衝直撞!

處女座-《五星級大鼠》味王

嗅覺靈敏嘅味王,嚮往大廚生活,努力成為鼠界大廚!

天秤座-《勇敢傳說之幻險森林》梅莉達

唔想做淑女嘅公主梅莉達,崇尚自由奔放~

天蠍座-《玩轉腦朋友》阿愁

情緒敏感、思緒悲觀嘅阿愁,係每個人大腦總部裡嘅副指揮。

射手座-《超人特工隊》冰條俠

幽默嘅個性,有射出冰塊嘅超能力,同高超嘅滑冰技巧, 真係冇得頂呀!

摩羯座-《恐龍大時代》細細粒

咪睇細細粒只係個細路,佢為了生存,可是變得相當強悍!
每個都好可愛,搞到好想即刻再睇多次依12套動畫電影呀!