五月天啊信愚人節宣布已為人父一年！佢強調：「今日說的，都是真的！」

琴日係4月1日愚人節，唔少人都會喺嗰日愚弄吓身邊嘅朋友，同佢哋開吓玩笑咁！所以「有經驗」嘅人都唔會相信呢日人哋講嘅所有說話。

Photo from Facebook@五月天啊信

Photo from Facebook@五月天啊信

五月天啊信偏偏就喺琴日喺自己Facebook上載咗一條佢抱住BB拍嘅短片，Caption仲話：「一直以來 陳媽媽都很想要一個孫子或孫女 去年 她終於如願了 平凡的我們 也將回到平凡的世界 生活中充滿孩子哭聲和柴米油鹽」「在流轉的歲月中 有你的風景最美/ #謝謝你們 #猜猜小傢伙的名字」。哇！原來佢一年前已經做咗爸爸，呢個秘密足足收埋咗一年？！

唔少網民都喺樓下留言話：「愚人節快樂！我哋係唔會信咖～」，仲搞笑質問佢「所以你以前話自己單身係假咖啦～」有啲粉絲就願意相信：「好吧！我相信你！還真的跟你有點像！」啊信就留言話：「今天我說的都是真的......」佢嘅團友士杰喺樓下Po咗佢囡囡，衝向鏡頭飛吻嘅Bommerang，超級可愛！

Photo from Facebook@五月天啊信

Photo from Facebook@五月天啊信

雖然喺段片入面睇唔到啊信個樣，亦都無法確認個BB係咪真係阿信，唔知今日或者之後，佢會澄清？定係真係帶BB出嚟見大家呢？

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）