Francfranc聯乘迪士尼推出《小飛象》系列精品！超夢幻馬戲團元素 4月限量發售！

迪士尼真人版電影《小飛象》，最近已正式上映香港大銀幕啦！相信唔少小飛象Dumbo嘅小粉絲都已準備好入場睇戲啦！而日本家品雜貨品牌Francfranc，更聯乘迪士尼推出《小飛象》系列精品，多款產品實用之餘亦非常可愛，各位粉絲真係萬勿錯過！

Photo from FB@Francfranc Hong Kong

Francfranc今次聯乘迪士尼推出《小飛象》系列，產品以糖果色調為主，加上唔同款式嘅馬戲團元素，同Dumbo形象非常合襯，而且感覺可愛又有活力！

而文具方面以透明PVC物料製造，耐用之餘都真係好靚啊！特別係拉鏈位配有紅金顏色，再加上拉鏈扣嘅三色彩帶，以及七彩珠片，可愛夢幻卻不失優雅感，無論大人細路都非常適合！

Photo from FB@Francfranc Hong Kong

另外仲有迪士尼小飛象多用途立體袋款，款形以馬戲團作設計主題，同樣係選用透明感重嘅PVC物料，加上小飛象插畫、馬戲團帳幕設計、三色彩帶以及七彩珠片，而最貼心喺上方加有手提圈，將佢放滿化妝品再挽喺手上，整體感覺非常搶眼！

Photo from FB@Francfranc Hong Kong

除咗袋款，當然唔少得杯蓋同杯啦！當中最可愛係杯蓋頂端仲有超可愛純白色Dumbo，再加上帶有復古感覺嘅馬戲團帳幕設計，感覺低調又高貴！而水杯同樣喺帳幕般嘅立體設計，印上搞笑可愛嘅小飛象，好似喺帳幕行出嚟咁！

不過有興趣嘅朋友要留意啦，水杯同杯蓋係分開發售嘅，而且預計要到5月先正式發售！

Photo from FB@Francfranc Hong Kong

而呢個小飛象收納盒都好靚啊！外表好似一本包裝精緻嘅Dumbo童話書，但其實係個收納盒嚟㗎！將重要物品放入呢個收納盒，無論放喺屋企定工作枱上都絕對實用！

Photo from FB@Francfranc Hong Kong

另外仲有超靚Dumbo多用途迷你瓷碟，同樣以復古感重嘅粉嫩色調為主，上面仲有隻好可愛嘅Dumbo，再放上靚靚嘅首飾小物就啱曬啦！

Photo from FB@Francfranc Hong Kong

而呢個小飛象手帕都一樣有驚喜，除咗特別嘅三角形包裝，露出可愛小飛象刺繡圖案，打開就會發現，手帕呈現帳幕式嘅六角形設計，真係好靚啊！當禮物或比小朋友用，收到一定充滿驚喜！

Photo from FB@Francfranc Hong Kong

Photo from FB@Francfranc Hong Kong

除咗以上可愛又夢幻嘅精品，Francfranc另外仲有推出唔同款式嘅產品比大家慢慢揀，呢個迪士尼《小飛象》聯乘系列將於4月10日起喺全港分店及網上商店發售啦，不過要留意部分指定商品預計於5月先會推出，大家記得去搶購啦！

圖片來源：FB@Francfranc Hong Kong

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）