download HolidaySmart 假期日常 app
新研發36色按壓水彩筆!新墨水即使無蓋都唔會變乾 淺色筆更可塗於深色上而不被染污!

新研發36色按壓水彩筆!新墨水即使無蓋都唔會變乾 淺色筆更可塗於深色上而不被染污!

時事熱話 潮物玩意
By Jackie on 04 Apr 2019
Digital Editor

墨水筆絕對係各位「小畫家」同文具控必備啊,不過墨水筆最麻煩係容易乾,萬一整唔見咗個蓋,就隨時要成枝報銷,非常唔方便!而中意用墨水筆畫畫嘅朋友有福啦!最近Zebra推出新研發嘅水彩筆“Crickart”,即使無蓋都唔會乾,文具控絕對要入手啦!

廣告
廣告

在 Instagram 查看這則貼文

ゼブラ株式会社公式(@zebra_jp_official)分享的貼文 張貼

過往水彩筆一定要加蓋存儲,如果唔係會好易變乾,無法再用。而Zebra新推出嘅“Crickart”按壓式水彩筆,當中加入新研發墨水“Moist Keep Ink”,新墨水具有能吸收空氣水分嘅吸濕成分,而且仲會因應環境濕度變化,重複吸水或蒸發水,所以即使無加蓋,墨水都可以做到防乾燥效果!

在 Instagram 查看這則貼文

ゼブラ株式会社公式(@zebra_jp_official)分享的貼文 張貼

按壓式較一般開閂蓋方便,非常適合用於上堂做筆記、畫插圖等,免去將水彩筆重覆又開又閂嘅麻煩!而且按壓式設計唔洗擔心唔見筆蓋之餘,仲可以避免以往太大力開蓋,而不慎將筆頭顏色畫到手嘅情況。


在 Instagram 查看這則貼文

ゼブラ株式会社公式(@zebra_jp_official)分享的貼文 張貼

而另一賣點相信都絕對會令文具控心動!就係即使淺色墨水畫喺深色甚至黑色墨水上,深色都唔會滲色而沾污圖案或筆頭,非常方便中意填色嘅朋友使用,唔洗再擔心畀深色筆整污糟淺色筆頭啦!

Zebra.co.jpPhoto from Zebra.co.jp

“Crickart”水彩筆一共36色,絕對能滿足中意畫畫嘅朋友,而且性價比相當高,一枝只需¥108,即港幣約8元!“Crickart”水彩筆現已於全國文具店發售啦,心動嘅朋友記得要大量入手啊!

圖片來源:IG@Zebra_jp_officalZebra.co.jp

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel