爆笑！張敬軒開fans禮物以為係iPhone 點知其實係金莎：呢單嘢直情要上警訊我話你知

生活熱話娛樂新聞

By Jennifer on 11 Apr 2019

Digital Editor

有時Fans同偶像之間嘅趣事真係好好笑，分分鐘笑到肚痛！

頭先張敬軒喺IG po咗相，佢話喺屋企清理上次簽名會fans送嘅禮物，咁啱見到有部iPhone。

Photo from 張敬軒 IG

佢心入面就好內疚：「我啲歌迷成日都咁破費，搵個錢唔容易，真係有我心? #粒眼淚真係爭啲就跌出黎」

Photo from 張敬軒 IG

但係：「#點_知我一打開，我變咗隻澳洲樹熊」有咩咁令佢o嘴呢？

原來入面係金莎嚟，一共有8粒，最搞笑嘅係，fans仲要加塊鐵板增加重量，務求呃到軒仔，真係太用心喇！

Photo from 張敬軒 IG

透過鐵板反映，睇得出軒仔個樣已經寫咗「#唔_係啩」幾個字。

Photo from 張敬軒 IG

而軒仔都明顯受到刺激，喺留言到多番轉tone：鄧碧雲媽打腔、李司棋真情阿家腔、周星馳tone、黃韻詩tone，實在多變！

Photo from 張敬軒 IG

在 Instagram 查看這則貼文

#呢單嘢直情要上警訊我話你知話說我喺屋企清理上次簽名會fans送嘅禮物，跟住見到有部大iPhone，心入邊內疚左好耐：（#鄧碧雲媽打腔）我啲歌迷成日都咁破費，搵個錢唔容易，真係有我心? #粒眼淚真係爭啲就跌出黎 #跟著心諗（轉 #李司棋真情阿家腔）既然人哋一番好意就唔好拒絕啦，啲電器擺得耐都會壞㗎 #點_知我一打開，我變咗隻澳洲樹熊 ? #唔_係啩 #金莎嚟嘅趙李 #下邊佢仲要加塊鐵板扮重 #仲要exac7ly啱size #我當堂轉周星馳tone #吖好嘢好嘢 ? #我話你知我班fans真係食腦㗎 #正所謂有仇不報非君子 #你哋班嘢你ting住下次買碟收隻光酥餅喇你哋 ? #喇屎呢句記得用黃韻詩tone吖 ? #亞叔你哋都呃真係好冇陰功

Hins Cheung 張敬軒（@hinscheung）分享的貼文於 PDT 2019 年 4月月 10 日下午 8:02 張貼