黃宗澤都即將重返樂壇？想同好兄弟吳卓羲合唱：遲啲整返首合唱歌

早前吳卓羲就透露今年內會重返樂壇，出迷你大碟，大批樂迷表示：好期待呀！有網民就誠邀「樂壇欠佢一個交待」嘅黃宗澤都重出江湖。

吳卓羲同佢好兄弟黃宗澤琴日出席微博星耀盛典，獲頒「人氣電視劇拍擋」，Bosco更獲「微博人氣電視劇男主角」。黃宗澤被問到會唔會效法好兄弟重出樂壇，佢就笑言：「睇佢（吳卓羲）頭，遲啲整返首合唱歌。」

Photo from 黃宗澤微博

佢表示4月中會同吳卓羲開工，希望睇下年尾會唔會有時間同卓羲合作唱歌。

佢仲借用古天樂嘅金句「我好鍾意唱歌，但唔識唱歌」，話學到嘢，會好好袋住。

Photo from 黃宗澤微博

其實喺頒獎禮上面，佢哋都有提到之前有合唱過電視劇片尾曲。不過吳卓羲就話係分開錄音，但拍MV嗰陣就係一齊嘅。

Photo from 黃宗澤微博

Bosco就話當時兩個大男人深情對唱有啲尷尬。唔知黃宗澤同吳卓羲除咗合唱劇集歌仲會唔會推新歌呢？

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）