金像獎完美首尾呼應點出「傳承」主題！ 古天樂惠英紅黃秋生力撐新一代！網民表示睇到毛管戙！

今年金像獎頒獎典禮以「Keep Rolling，Keep Walking」做主題，意思希望香港電影能夠繼續「Roll 機」，繼續成為香港電影成為電影圈嘅主角，繼續令香港電影發光發亮！

Photo from viutv

開幕禮由一班年輕演員以全白造型現身表演戰鼓打開序幕，而背景就配以海浪嘅視覺效果，營造氣勢磅礡嘅感覺。其後就播出王家衛執導電影《東邪西毒》片段，用咗電影嘅經典對白「當你唔可以再擁有嘅時候，你唯一可以做嘅，就是讓自己唔好忘記。」作開首，更以由陳奕迅同已故歌手盧凱彤以及其他歌手合唱嘅歌《可一可再》作背景音樂，向已故電影界人士致敬，包括金庸、盧凱彤、林嶺東、鄒文懷、藍潔瑛等，多謝佢哋為香港電影嘅重大付出同貢獻！

Photo from viutv

Photo from viutv

劉德華隨後出場「雪有萬里山，隔阻兩地遙。不需見面，心中也知曉。」「世間上一切嘅思念，只係為咗承傳。我哋香港電影Keep Rolling!」

Photo from Viutv

Photo from viutv

然後個魔術球就傳咗畀BabyJohn，以示由後輩接棒！佢哋又唱又跳，音樂選用有衝勁意味嘅《疾風》，一眾年輕演員跳得非常齊整，而且非常有力，令唔少台下觀眾非常感動。音樂一停落嚟，台下拍爛手掌，以示支持、欣慰！

Photo from viu tv

Photo from viu tv

琴晚唔少得獎者上台嘅時候都有以「傳承」發表感言，例如獲最佳女配角嘅惠英紅「我要多謝我自己，因為我應該是最支持新導演的演員，因為我抵得諗，我希望香港電影圈會百花齊放，會好似我初出道時，年產400多部戲嘅年代，希望大家會支持電影界嘅新一代。」

Photo from viutv

大熱勇奪影帝嘅黃秋生，喺上台領獎嘅時候話：「原來真係有奇蹟咖。我唔係講緊我，而係講緊今晚個Show。我以為有咁多後生仔一定會好悶，但原來好好睇同埋好有意義，好想畀啲掌聲佢哋！」

Photo from viutv

為整晚嘅頒獎典禮嚟一個完美嘅首尾呼應，體現「傳承」嘅重要！唔少網民睇到之後都覺得非常感動！香港電影Never Die！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）