《開心速遞》安仔美麗患難見真情 同Bonnie感情起暗湧？網友：不如同朱凌凌好過

大家有無睇琴日嗰集《開心速遞》呢？安仔Bonnie兩個嘅感情有危機啊！

之前劇情就提到池美麗鍾意咗金城安，不過安仔已經有女朋友Bonnie喇，所以對美麗嘅示好不予回應。

被美麗纏住嘅安仔，因為隱瞞Bonnie美麗上佢哋度「屈蛇」而激嬲咗Bonnie，安仔向Bonnie坦白美麗鍾意佢嘅事實，令Bonnie更嬲！

Bonnie要去道德訓練營幫手，而安仔就想入去同Bonnie解釋，點知美麗又去搵安仔，仲話要同佢玩「緣份遊戲」。

Photo from 鍾凱琪IG

而安仔為咗避開美麗就走去一個貨櫃入面，而美麗又真係搵到佢，仲同佢一齊困喺貨櫃出唔返嚟。

Photo from tvb

喺大雨之下，佢哋被困出唔到去，又無人搵到佢哋。

美麗為咗唔好餓到安仔，將自己身上嘅蛋糕都俾咗安仔，又呃佢自己都有蛋糕食。

Photo from tvb

另一邊，Bonnie喺道德訓練營聽到一個學員同女朋友嘅愛情故事，令佢產生危機感。

幾日之後，美麗餓到受唔住，非常虛弱。安仔發現美麗原來係呃佢，其實根本就無咁多蛋糕，安仔問美麗點解咁傻，美麗好深情咁話：「因為我都好想好似你咁，將自己所有嘢都俾晒鍾意嘅人。」

Photo from tvb

Photo from tvb

安仔深受感動，得救之後喺醫院都念念不忘美麗，最後Bonnie企喺門口望住安仔同美麗個樣真係好令人心痛啊！

安仔同美麗感情大進展，但網民似乎唔係好buy呢對，仲話寧願安仔同朱凌凌一pair仲好。

Photo from tvb youtube

Photo from tvb youtube

Photo from tvb youtube

Photo from tvb 微博