人愈大愈難同好友去得成旅行!5大要把握同死黨去旅行嘅原因  唔係嘅話日後可能就再無咩機會~

人愈大愈難同好友去得成旅行!5大要把握同死黨去旅行嘅原因 唔係嘅話日後可能就再無咩機會~

生活熱話
ByRachel Lo on 16 May 2019 Deputy Managing Editor

好多人以為同朋友去旅行係好易、好平常嘅事,但其實人愈大就發現同朋友去旅行變得愈嚟愈難,除咗「愛需要及時」,同死黨去旅行都需要及時。

如果而家仲可以好容易約到朋友去旅行就要好好珍惜,因為之後會有唔同嘅情況,會愈嚟愈難成行,相信唔少人可能都開始深有體會。

shutterstock
Photo from shutterstock

1. 一齊去旅行經歷、回憶係無可取代

一齊去旅行同平時相處係唔同,會日對夜對之餘,旅行仲會發生好多唔同嘅情況,有蝦碌、有搞笑,都有難忘嘅經歷會係旅程中發生,而呢啲回憶將會成為人生中難能可貴嘅記憶嚟,甚至可能因為一次旅行發現大家係「真正嘅朋友」。

shutterstock
Photo from shutterstock

2. 出到社會難夾假去旅行

當大家唔再係學生,出到社會做嘢,要一齊去旅行就要夾大家個時間,睇下公司同事同自己有無撞假、會唔會係公司最忙嘅時間,左夾右夾,可能夾咗成年都未夾到大家都可以去到旅行嘅時間。

shutterstock
Photo from shutterstock

3. 各有伴侶更難成行

廣告
廣告

到其中一個朋友或自己有咗男朋友或女朋友就更難,因為放到假或有錢都會先預留畀佢地,同埋有啲另一半唔鍾意,變咗可以一齊去旅行就會難上加難。

4. 當中有人準備結婚,就要為咗儲錢少去旅行

如果有人準備結婚,就要儲錢,未必可以洗錢去旅行,一分一毫都要慳住。

shutterstock
Photo from shutterstock

5. 有咗自己嘅家庭,難以拋低小朋友同另一半去旅行

有屬於自己嘅屋企,就好難拋低小朋友同另一半旅行,甚至可能老爺奶奶/岳父岳母知你同朋友去旅行,都會有微言,就變得更難。

所以如果而家仲可以同到死黨去旅行,未必係理所當然會有下一次,所以記得要好好珍惜仲可以同朋友一齊。

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook