古裝美人宣萱由《尋秦記》到《聽雪樓》都係咁靚！《聽雪樓》冷豔造型獲網民大讚！

宣萱一直被網民稱為古裝美人，著上古裝嘅時候，嗰浸高貴、溫文爾雅嘅氣質滲曬出嚟。尤其係佢飾演《尋秦記》嘅烏廷芳，真係一世經典！

Photo from 尋秦記

自從佢喺2011年拍完《萬凰之王》之後，就好少再見佢演古裝劇！加埋佢正氣嘅樣子，令佢經常被編為做正派角色，又或者係做咗25次或以上嘅「人質」！情況同佘詩曼好相似。

Photo from 《施公奇案》

佢一直恨做「反派」，更曾經話：「為咗演反派，我等咗廿幾年！」相隔8年後，宣萱終於再拍古裝劇《聽雪樓》，兼做反派！

Photo from IG@jessicahsuan_offiicial

《聽雪樓》上星期啟播，宣萱繼續擔正做主角，宣萱以一身紅衣造型，眉心仲畫有好似《宮心計》女角色嘅眉心花鈿，製作仔細！仲有佢凌厲嘅眼神同冷豔造型，更突顯佢嘅女人味同高貴氣質，而且氣場十足添！睇上去一啲都唔似48歲啊，簡直係凍齡美魔女～

又係時候欣賞宣萱嘅演技啦！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）