學明星咁keep住仙氣！韓國女星自揭止汗3招 大爆汗都冇有怕

夏天天氣又濕又熱，真係好容易出汗，不過又想保住全日都咁靚？！成日都睇見喺舞台上嘅明星就幾熱都好，表演完流晒汗，都可以keep住仙氣十足。到底點做到嘅呢？

Photo from Presslogic

早前韓國女團「Crayon Pop」成員Way就分享咗佢哋解決依啲情況嘅小秘密。

Photo from 웨이랜드 WayLand@YouTube

Way指明星都會流汗，有啲人仲會大爆汗添，不過為咗可以喺螢光幕前展現乾爽、精緻一面，佢哋喺背後都要做好多努力。

Photo from 웨이랜드 WayLand@YouTube

Way就提出咗其中3個佢用過嘅方法：

1. 工作人員時刻準備

工作人員會拿住毛巾喺台邊準備，等藝人們無論上台定落台時都會抹吓，如臉、頸、背、腋下、腿等等。如果有脫妝嘅情況，就會快速補妝。

如果咁啱遇到連續表演就好難避免會大量出汗，不過通常都唔太需要擔心，因為工作人員會處理好。

Photo from 웨이랜드 WayLand@YouTube

2. 緊急處理妝髮

藝人會因為流汗脫妝，如果時間充足，造型師就會拎風筒，幫藝人將扁掉嘅瀏海、髮型重新整好。儘量讓每一場表演都處於最佳狀態。

Photo from 웨이랜드 WayLand@YouTube

3. 腋下乾淨

很多藝人都會清除腋毛，Way就建議越年輕做越好。只是剃毛嘅話，腋下會容易導致黑色素沉澱，久而久之腋下會越嚟越黑。佢又指藝人有時都會用一啲防汗產品，不過唔可以太常用。

Photo from 웨이랜드 WayLand@YouTube

睇嚟一班藝人為咁保持完美形象喺背後都落咗唔少苦功呀！辛苦晒～

Source：웨이랜드 WayLand

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）