真英雄蜘蛛俠Tom Holland保護被推擠fans 貼心安慰：It's ok, I got you.

生活熱話娛樂新聞

By Jennifer on 25 Jun 2019

Digital Editor

《蜘蛛俠：決戰千里》即將上映，今日喺紐約帝國大廈就有彩燈儀式。

儀式吸引咗好多fans到場，主角蜘蛛俠當然都在場啦！蜘蛛俠Tom Holland除咗係Marvel著名嘅劇透王，佢都係一個超窩心嘅暖男啊！

Photo from Empire State Bldg Twitter

Photo from Tom Holland IG

原來喺Tom Holland幫fans簽名嗰陣，有好多黃牛逼上嚟想俾蜘蛛俠簽名再賣返出去。

由於不停有人向前擠擁，逼到其中一位女仔，Tom Holland見狀即刻保護fans，強硬地同啲逼上前嘅人講：「如果你哋再逼到佢（指fans），我就掉晒你哋啲簽名海報」

Photo from Spider Man Twitter

面對fans話感覺有啲恐慌，Tom Holland立刻安慰佢：「It's ok, I got you, I got you.」

Photo from Tom Holland IG

最後仲真係將啲黃牛簽名掉晒！果然係真英雄！

之前「洛基」Tom Hiddleston就特登學手語同fand溝通，今次「蜘蛛俠」Tom Holland又英勇保護fans，雖然佢哋已經係荷李活大明星，但係一啲架子都無！

Photo from Spider Man Twitter

唔通叫「Tom」嘅都咁窩心嘅？

“It’s okay I got you I got you” @TomHolland1996 ?
This was absolutely INSANE and should NEVER happen....my neck was literally against the barricade with 30 grown men behind me pushing.... ridiculous how people act like you’re not only endangering fans safety but Toms as well? pic.twitter.com/uey9VVMfBJ

— cass ◟̽◞̽ (@NamelessCass) June 24, 2019