希臘驢仔被迫載客 反抗即被鞭打至皮開肉綻 政府禁超重遊客騎驢仍無用

希臘著名旅遊勝地聖托里尼島（Santorini），騎驢係其中一樣大受歡迎嘅觀光活動，不過由於唔少驢仔因過勞而受傷後，當地政府決定立法禁止癡肥人士騎驢。

然而，美國嘅善待動物組織（PETA）就揭示喺炎熱夏天，聖托里尼嘅驢仔仍然要每日載貨載客上山嘅慘況。

Photo from PETA

聖托里尼島本身位於山上，有多級樓梯，唔少旅客都會選擇坐驢上山。

但其實驢仔生活得好慘，每日都要孭住旅客，或者貨物來回4、5次，上山要行超過500級樓梯。

Photo from PETA

如果行得慢、或者停喺度就會被鞭打，加上載客時馬鞍會勒緊驢身，令身體被割傷，而傷口就暴露喺炎熱天氣下。就算唔洗載客都要喺陽光下暴曬。

Photo from PETA

Photo from PETA

Photo from PETA

Photo from PETA

夜晚驢仔仲要孭大袋垃圾，全日都無得抖。

Photo from PETA

其實聖托里尼島開咗纜車後，情況有一度好轉，但新景點嘅開發，同埋數量增多嘅旅客都令驢仔嘅工作再度繁重咗。

而希臘政府已喺上年提出立法，禁止驢仔負重超過100公斤、或其體重嘅五分之一，不過獸醫就表示驢仔唔應該孭超過50公斤嘅物件。

?旅遊時也要想想動物權利！驢仔慘被騎到骨折 希臘政府禁癡肥過重遊客騎驢

?曾有大象因高溫工作猝死 柬埔寨吳哥窟明年將禁止旅客騎大象 景區內14隻大象將回歸自然

?加拿大立法禁止人工飼養鯨魚／海豚　違法可罰20萬美元

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）