徐天佑Facebook 集氣搵失蹤年輕人 擔心出Post：我們在！一個都不能少

琴日有網民喺facebook留低咗疑似告別嘅留言就失蹤咗，唔少網民都好擔心，不斷喺網上發起搵人行動！Shine成員徐天佑知道此事後立即呼籲大家一齊搵返呢位手足。

Photo from 天佑FB

Photo from Facebook

徐天佑喺Facebook出post同嗰位手足講：「頂住！冷靜啲！乜野都可以解決！一齊同行！快啲睇吓Facebook！我們在！一個都不能少！」希望佢可以回心轉意，唔好做傻事。

Photo from 天佑FB

網民睇完都表示十分心痛，希望同年輕人「齊上齊落，一個都不能少」，正能量滿滿。

Photo from 天佑FB

天佑連出幾個post就係為咗搵返呢年輕人：「我知你仲喺度（陳先生），覆個message俾我，話你冇事，我哋香港人繼續行落去」佢仲叫年輕人要堅強，大家要一齊行落去。

Photo from 天佑FB

幸好，最後搵得返呢位年輕人，天佑立即喺Facebook呼籲大家俾啲空間呢位手足同埋感謝大家，又讚網民好犀利。

Photo from 天佑FB

天佑又再次強調年輕人要頂住，一個都不能少。

大批網民都被天佑暖心嘅舉動感動到，紛紛喺留言感激天佑。

一直支持年輕人嘅天佑喺Facebook不斷鼓勵後生仔：「後生仔，我撐你，你們是最好的，你知道嗎？ps: 我都唔係好老」獲大批網民支持，大讚佢係良心藝人。

Photo from 天佑FB

徐天佑一向都關心時事、關心年青人，早前佢為咗表達哀痛，喺社交網站換上黑色頭像，有網民留言：「奀星做乜轉頭像？」，天佑即霸氣回覆：關你叉事？

Photo from 天佑FB

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）