全港首創！銅鑼灣新開$37正宗重慶麻辣燙！必食冬陰公麻辣燙＋麻辣拌麵！

全港首創！銅鑼灣新開咗一間正宗重慶麻辣燙！$37包3款餸就食到正宗重慶麻辣燙，足足有30多款配料比你任揀～而麻辣燙嘅湯底有3款，分別招牌麻辣燙、泰式冬陰功麻辣燙、番茄湯底麻辣燙，每款湯底都超入味！另外無湯嘅有麻辣口味拌麵，麵底都有8款選擇。

Photo from presslogic

招牌麻辣燙
麻辣控必食！自家調製嘅麻辣湯底，薯粉完全吸收晒湯底嘅精華，一啖湯底一啖薯粉，超惹味！另外自選配菜，小編就係揀咗豆卜、豬紅、豬皮、牛百葉，仲有秘制豬腩，豬腩好厚肉、超級入味呀！

泰式冬陰功麻辣燙
唔想食辣可以試下呢款充滿泰式風味嘅冬陰功湯，非常濃味，唔算好辣又唔會好酸，食完碗麵記得飲埋個湯底先滿足！配菜有重慶酥肉、肥牛、木耳、薯仔片等等。

番茄湯底麻辣燙
唔食辣嘅朋友唔洗擔心！有番茄湯底健康選擇～

經典麻辣拌
麻辣拌麵會比有湯底嘅更加辣，建議可以揀公仔麵、米線嚟拌麵～

另外有全日套餐 ($65)！包括招牌麻辣燙(自選3款配料)、吐司(3選1)、凍檸茶！

吐司有3款選擇，包括火腿蛋、牛肉蛋、培根蛋～
牛肉蛋吐司 (單點：$26)
牛油吐司即叫即製！加埋芝士、肥牛、煎蛋同秘製醬料，超豐富呀！

酸梅汁 ($16)、凍奶茶($16)
酸梅汁係餐廳自家製！解辣一流！

Photo from presslogic

湯火功夫麻辣燙
地址：銅鑼灣謝斐道482號 兆安廣場G4-G6號地下舖
電話：2148 6788

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）