香港YouTuber日本做街訪被內地人攻擊！搶咪＋手指指夾粗口怒罵大叫「中國是香港」

相信去過日本旅遊既大家，
都係唔少熱門旅遊景點見到好多大陸人！
而早前就有香港YouTuber喺東京做街訪同大陸人遇上爭執！

長期居住日本嘅香港YouTuber Ernest，
早前就係東京對日本人進行街訪，點知竟然比大陸人亂入！

Photo from 無料案內所

影片係關於最近香港一連串集會活動，
Ernest展示咗兩張警察嘅照片，就訪問日本人既睇法。
內容有趣輕鬆，當中亦不乏一啲日本人對香港情況嘅關注。

Photo from 無料案內所

但當Ernest向其中4位日本年輕人講解照片內容嘅時候，
突然有一位男士搶咪入鏡，並大叫「China is Hong Kong」（中國是香港）。
雖然Ernest馬上對受訪中日本人道歉，
並且請兩位激動男士冷靜，但佢地並無停止用粗口攻擊。

Photo from 無料案內所

Photo from 無料案內所

當日本人離開之後，Ernest仍然被圍攻，
並叫佢停止呢個無聊嘅遊戲。

Photo from 無料案內所

事後Ernest再上載一條影片講解當日情況，
表示無同佢地爭論係因為覺得騷擾者已經失去理性同難以溝通，所以當場決定離開！
而事隔十分鐘佢已經返回該地點繼續進行街訪。
佢希望影片嘅主旨係令到更多外國人關注香港情水況。

Photo from 無料案內所

點都好，打擾人地工作同搶咪講粗口實在係太無禮貌嘅行為喇～
大家去旅行，都記得要注意自己言行啊！

資料來源：無料案內所

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）