年度3大流星雨之一 英仙座流星雨今晚有得睇！每小時高達110粒流星

每年嘅8月12日至13日係英仙座流星雨嘅高峰期，今晚最大機會睇到流星雨，之後幾日都有機會睇到。

英仙座流星雨係年度三大流星雨之一，出現時間固定，流星數量較多而且穩定，每個鐘流星數量可高達110粒。

Photo from 香港太空館

想觀流星雨嘅話，可選擇到較少光污染嘅地區觀星，例如萬宜水庫、大尾督、石澳、清水灣等，另外可以揀喺凌晨時分觀賞。

除咗英仙座流星雨之外，仲有嚟緊12月嘅雙子座流星雨都係壯觀嘅流星雨之一。

Photo from shutterstock

喺觀星嘅時候可能會誤將天上嘅飛機被誤以為係流星，所以可以自備觀星筆，指出流星嘅位置，不過最好就喺唔阻礙他人觀星嘅情況下使用。

天文台溫馨提示5大觀星禮儀，包括唔好用閃光燈影相，以免令人睇唔到較暗嘅星體；用紅色電筒照明，因為紅光唔會刺激眼睛，保持大家嘅夜視能力；唔好望遠鏡附近用火，因為熱空氣令人睇唔清楚星體；保持環境安靜；切勿亂拋垃圾。

Photo from shutterstock

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）