88歲夏蕙姨預告擬出戰區選！見虐老片後痛心疾首 決定灣仔區出發還和諧於民！

最近香港彷彿籠罩住一股高壓氣氛，每日發生嘅事都令人喘不過氣，而近日爆出嘅警察虐老片段更震驚全港市民！一直非常關心香港嘅著名藝人黃夏蕙(夏蕙姨/夏蕙BB)，同樣有密切留意事態發展，更於個人專頁向大眾預告11月有大事發生，並決定由灣仔修頓球場區出發，感覺係向市民預告，或會參選區議會！

88歲夏蕙姨一直有喺FB專頁發表有關香港反送中運動嘅言論，而今個月19號更拍片宣布11月有大件事發生！

Photo from FB@黃夏蕙

直至昨晚夏蕙姨凌晨4點發文，表示見虐老短片後痛心疾首，令佢無言而哭，仲話經過此事之後，更加堅決集結身旁好友，決定「為灣仔修頓球場區出發，重新將之前和階社區生活還給市民」，文末更講到「【將開心帶俾市民。盡我心，夢變真！】就係我服務灣仔修頓球場區的理念同己任」。

Photo from FB@黃夏蕙

有好多網民猜測，夏蕙姨一文，以及日前所發布嘅短片，擬似宣布會高齡參選11月區議會選舉。雖然夏蕙姨未有明確表示會參選，不過已有唔少網民留言感謝夏蕙姨。

Photo from FB@黃夏蕙

Photo from FB@黃夏蕙

雖然未知夏蕙姨係咪真係會出戰灣仔區，但夏蕙姨一直留言香港事態發展，關心年青人、老人被警察虐待問題，88歲依然出心又出力，絕對值得大家尊重同欣賞啊！

圖片來源：FB@黃夏蕙

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）