影楓冇難度!新手必學4個日本韓國紅葉攝影攻略 輕鬆影出大師作品

影楓冇難度!新手必學4個日本韓國紅葉攝影攻略 輕鬆影出大師作品

旅遊情報 玩樂體驗 打卡景點
ByCeliaon03 Sep 2019Digital Editor

2019年話咁快又就快9月喇!踏入秋季,唔少人都會計劃到日本或韓國賞楓葉,順便打卡,影吓靚相。但又怕自己影得唔靚,點算好?!

唔怕,今次小編綜合咗幾個簡單攝影Tips畀大家,等大家就算用電話都可以輕鬆影出大師作品!

1.仰視角度

向上嘅視角永遠都係最吸引、最不平凡,因此近年唔少人都愛上咗玩航拍。不過,其實仰視亦係另一種拍攝方式,被滿滿嘅楓葉遮住,葉與葉之間透出一絲絲陽光,為楓葉增色不少。

紅葉日本韓國攝影攻略
Photo from Presslogic

而逆光拍攝更可以讓楓葉顯得更加鮮艷,樹枝則為呈現黑色線條,仿如引導線一樣作為陪襯。

日本韓國楓葉攝影攻略
Photo from Presslogic

2.就地取材

難得嚟到賞楓勝地,如果只掛住影楓葉而錯過咗當地嘅地標,咁咪好可惜囉?所以就地取材都好重要,試吓將楓葉作為配角,再以當地最有代表性地標作為主體,都可以構成一幅好正嘅「楓」景㗎!

日本韓國楓葉攝影攻略
Photo from Presslogic

3.找出最美嘅一塊楓葉

找出最美嘅一塊楓葉,即指捕捉楓葉嘅特寫,不論係近鏡嘅大特寫定係將遠鏡只聚焦一點嘅散景,都別有一番風味。

日本韓國紅葉攝影攻略
Photo from Presslogic

日本韓國楓葉攝影攻略
Photo from Presslogic

4.不同時期的美

最後當然就係時間點喇~大家都知道賞楓必定要注意嘅就係時間,唔同嘅時候去都會有唔同嘅美景。如果你賞楓嘅時間剛好係續漸轉紅,咁你不妨試吓找一片最紅嘅楓葉,再以綠葉襯托拍攝,咁做可以更加凸顯楓紅之外,仲可能拍攝出獨特嘅漸層美景,讓照片更加繽紛。

日本韓國楓葉攝影攻略
Photo from pinterest

以上4個小Tips唔知幫唔幫到大家呢!?另外,如果覺得光線或景深唔適合時,最簡單嘅就係移動你嘅腳步。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

Share to Facebook