重溫經典！指定戲院連續4個週末放映《龍貓》《魔女宅急便》《幽靈公主》《千與千尋》～憑戲飛飛尾仲可7折買吉卜力展現場門票！

生活熱話電視電影

By Rachel Lo on 16 Sep 2019

Deputy Managing Editor

最近「吉卜力動畫世界」嚟香港舉辦展覽，有戲院有見及此連續4個週末特別放映宮崎駿4套經典作品，當中有《龍貓》、《魔女宅急便》、《幽靈公主》及《千與千尋》！

如果之前無睇晒又想睇返、好想重溫返呢幾套動畫，或想畀小朋友睇下屬於80後同90後嘅經典動畫，就記得mark低。憑戲飛飛尾仲可7折買吉卜力展現場門票！

MCL德福戲院9月28日至10月20日期間特別放映呢4套經典電影，不過要留意返4套放映日期同時間都有所不同。

Photo from PressLogic

由於特別放映只會設於MCL德福戲院，並且只會公映8場，電影門票即日起公開發售，有興趣記得去買！詳情可以向MCL德福戲院職員查詢。

《龍貓》為方便探患病嘅媽媽，一對小姊妹小月、小美同父親移居郊外。有次喺屋後玩，小美巧遇上一隻小怪物，並追到大樹洞中，先發現一隻懶瞓動物「龍貓」。原來小朋友先見到佢，小姊妹從此同龍貓玩成一片，每當遇上困難，龍貓就會成為佢地嘅救星。

Photo from MCL

《千與千尋》故事講述10歲嘅千尋同父母郊遊時，誤闖入喺人間同仙界之間嘅浴場，裡面住滿數以百計嘅妖怪和神仙。千尋父母因貪吃變成大肥豬，千尋亦被奪去名字成為千，為拯救佢地同尋回自己，千被迫留喺浴場中做苦工。

Photo from MCL

Photo from PressLogic

《幽靈公主》日本室町幕府時代戰事連年。人民為逃避戰火，被迫棲身森林。東方地域嘅男孩「飛鳥」為保護家園，殺死發狂嘅野豬王，自己亦因而受傷。求醫途中，遇到由森林守護神白狼撫養成人嘅幽靈公主，亦目睹武士屠城慘況。而城主幻姬為難民有安居之所，不惜砍伐林木加固城堡，並鑄造武器對抗神獸同入侵武士。三方爭戰不休、生死待決，令局勢更為混亂。