沖繩Sanrio卡通主題酒店開幕!8款卡通角色套房  Hello Kitty機械人自親招待!

沖繩Sanrio卡通主題酒店開幕!8款卡通角色套房 Hello Kitty機械人自親招待!

旅遊攻略 Hotel酒店推薦
ByJackie on 19 Sep 2019 Digital Editor

住酒店當然除咗要舒服、整潔之外,最好當然係可以邊休息邊打卡啦!如果大家正計畫到沖繩旅行,自問又係Sanrio迷的話,咁就有福啦!Sanrio卡通主題酒店「沖繩三麗鷗主題飯店」日前開幕,各位Sanrio迷係咪已未出發先興奮呢?小編帶大家一齊睇下究竟有幾吸引啦!

呢間「沖繩三麗鷗主題飯店」位於沖繩那霸市,距離單軌列車站「牧志站」只有2分鐘路程,所以交通都非常方便㗎!而呢間酒店係由商務酒店改建而成嘅,樓高10層,共66間客房,適合2-4人入住,所以不論情侶、朋友定一家大細都適合入住㗎!

沖繩三麗鷗主題飯店
Photo from 沖繩三麗鷗主題飯店

稱得上Sanrio主題酒店,最重要當然係房間主題同酒店佈置啦!酒店合共有8款卡通角色主題套房,包括Hello Kitty、My Melody、玉桂狗、Little Twin Star、布甸狗、蛋黃哥、PC狗以及XO!

沖繩三麗鷗主題飯店
Photo from 沖繩三麗鷗主題飯店

沖繩三麗鷗主題飯店
Photo from 沖繩三麗鷗主題飯店

沖繩三麗鷗主題飯店
Photo from 沖繩三麗鷗主題飯店

當中大部分都係Sanrio入面較受歡迎角色,而且當中設計充滿沖繩特色,絕對能滿足大部分Sanrio迷啦!

沖繩三麗鷗主題飯店
Photo from 沖繩三麗鷗主題飯店

沖繩三麗鷗主題飯店
Photo from 沖繩三麗鷗主題飯店

而每個主題房均提供3款適合2-4人嘅套房,不過蛋黃哥、PC狗以及XO主題房並無提供兩張雙人床式套房,所以4人去嘅朋友要揀其他主題房啦!

廣告
廣告

沖繩三麗鷗主題飯店
Photo from 沖繩三麗鷗主題飯店

沖繩三麗鷗主題飯店
Photo from 沖繩三麗鷗主題飯店

沖繩三麗鷗主題飯店
Photo from 沖繩三麗鷗主題飯店

除咗房內充滿Sanrio風格設計,套房以外都絕對唔馬虎㗎!酒店二樓設有免費風呂,而地下仲設有精品店,一入內就會有大型Hello Kitty機械人歡迎大家,仲有一個佈滿Sanrio卡通角色公仔柱,頂部連接卡通公仔天花燈,所以瘋狂購物之餘都唔好忘記數之不盡嘅打卡點啊!

kitty_double_02

而入住嘅朋友仲可以預訂Hello Kitty造型早餐,唔計畫入住嘅朋友都可以享用酒店內嘅主題Caf,品嚐Sanrio卡通造型精品㗎!2人房間最平由港幣730元起,有興趣嘅朋友記得到官網了解詳情或預訂房間啦!

沖繩三麗鷗主題飯店 (Hotel Okinawa with Sanrio Characters)
地址:日本沖繩縣那霸市安里1丁目2−25
電話:+81 (0)98 866 011
網址:https://hotel-okinawa.com/

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook