【火鍋合集2019】3大靚裝火鍋店推介！古代夜場主題/舊香港特色街頭霓虹裝潢/中國風+宮廷服打卡～

香港火鍋店愈開愈多，除咗有傳統火鍋、過江龍台式火鍋、仲有唔少特色裝潢嘅火鍋店！今次小編就同大家介紹3間靚裝火鍋店，每間充滿古代風味～

首先帶大家去中環「怡紅院」！怡紅院以古代夜場主題裝潢，好似去左古代打邊爐～底層有個酒吧位置，提供超多款特色Cocktail，以古代陶瓷花樽嘅盛載菊花口味Cocktail，仲有特色腐乳炒通菜口味Cocktail！

避風塘炒肉蟹鍋 ($488)
呢款避風塘炒肉蟹鍋可以先食完隻蟹先再加湯打邊爐！

提神人參雞鍋 ($268)
人參雞鍋有成隻雞做湯底，湯底超足料，就咁飲個湯底都夠養身！

Photo from presslogic

城寨特濃沙爹鍋 ($168)
呢款沙爹鍋必試！ 超濃沙爹味，唔會好辣！

水煮牛肉鍋 ($188)
中意食辣嘅朋友可以試下呢款水煮牛肉鍋！鍋底本身配埋牛肉、鴨血>等等！呢度仲有燈紅麻辣鍋～

怡紅院
地址：中環雲咸街43-55號余悅禮大廈地下B-C號舖及1樓102-4號舖
電話: 3101 9968
營業時間: 星期一至三、星期日： 12:00pm-02:00am; 星期四至六：12:00pm-04:00am

第2站帶大家去銅鑼灣「去滾」，以舊香港+夜場主題打造嘅火鍋店佔地6100呎！餐廳以大量特色街頭霓虹裝潢，鋪滿唔少玩味字句嘅燈牌：「女人唔緊」、「男人唔諗」、「女人唔狠」、「男人去滾」等，另外有2間VIP獨立房設有唱K設備！

原隻龍蝦花甲海鮮湯 ($498)
精選原隻波士頓龍蝦配上花甲、時令海鮮，超豐富嘅海鮮鍋。湯底以新鮮海蝦煎香再煲2-3小時，先以牛油炒香紫洋蔥、白洋蔥及雜菌，再加入時令海鮮，上碟時先以75度冧酒點火提味，最後加入濃味湯底！

川芎白芷當歸天麻魚頭湯 ($268)
原個魚頭湯火鍋湯底，加入藥膳材料，豐富而滋補

14款唔同部位嘅牛肉任你揀！
本地直送即日手切陀地靚肥牛 ($238)

除咗有得滾下滾下之外，仲有得食「散餐」！餐廳有提供精美飯點、小吃等。
金屋藏嬌海鮮泡飯 ($298)
湯底用海蝦先煲2-3小時，配以鮑魚片、海蝦、芝麻、芫荽及蔥，最後加入脆米加強口感！

有排舔冰鎮鮑魚 ($68)
新鮮運送大連鮑蒸5-8分鐘，以鮑魚汁、八角、香葉、冰糖及蠔油調配浸過夜

去滾
地址：銅鑼灣登龍街1號金朝陽中心2期Midtown 27樓
電話：2543 8222

尖沙咀呢間新開宮廷主題火鍋店「香香宮煮」 甫進餐廳，大門放置一大張龍椅做擺設，內部裝潢帶有中國古代建築風格，卡座以宮殿牌匾命名，甚有特色。店內提供6至8套宮廷服裝，客人可以穿著來打卡。店內提供多款湯底，必食足料養顏花膠雞、巨型芫茜山，另外更有提供人氣卜卜蜆。

餐廳供應超過10多款足料湯底，以招牌美顏花膠雞湯鍋做主打，湯底以新鮮三黃雞熬足三小時而成，湯頭奶黃濃郁，加入花膠後，飲落黏口香甜，含豐富骨膠原，滋補養顏，適合女士們飲用。

雞鍋分全隻或半隻雞，雞件啖啖肉，肉質鮮嫩。
花膠分四等級，分鯰魚花膠（$298）、非洲鱸魚筒（$698）、非洲鱸魚扒（$898）及需要預訂的鰵肚花膠（$2888）。

芫茜控不妨一嚐巨型芫茜山湯底，芫荽幾乎舖滿成個鍋，形成勁量芫荽山，味道濃郁。

人氣卜卜蜆鍋，蜆份量算多，每日新鮮入貨，蜆肉肥美鮮甜。

店內更提供多款火鍋配料，牛肉款式多達15款，包括鹿兒島和牛粒、日本飛驒和牛、澳洲和牛、韓牛頸脊柳、本地手切牛等，就連冷門部位牛胸尖（則牛胸骨中間軟骨）都有。負責人表示灼30秒左右，灼至卷曲，食落爽口脆身。食肉獸的你，絕對要試試。

鐵扇公主牛魔王拼盤、玉面公主四國公肉拼盤

現炸黃金響鈴，蘸滿鹹蛋黃醬，炸至香口。

手打丸類也是餐廳必點之選，手打丸拼盤共有莧菜豬肉丸、鮮牛丸、墨魚丸、鵝肝墨魚丸及鮮蝦丸。

香香宮煮
地址：尖沙咀加拿芬道16號金輝大廈1樓
電話：2338 1515
營業時間：5pm-2am

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）