林海峰電台節目指香港最惡嘅教係「阿sir做嘢唔洗你教」 水炮車射清真寺警方話誤中

林海峰最近開嘅棟篤笑《是但噏Happy Monday 2019》完滿結束，佢喺場show入面不時暗對時事發表意見，又大爆金句，令全場觀眾熱烈鼓掌。

雖然個show已經完咗，但林海峰喺電台節目都大談近日香港發生嘅事。

Photo from 林海峰Facebook

Photo from 林海峰Facebook

琴日嘅九龍大遊行中，警方水炮車將藍色染料射向位於尖沙咀嘅清真寺，染藍咗大閘同樓梯，事件引起廣大關注。有市民自發為清真寺清潔。

Photo from 譚文豪Facebook

警方回應係「誤中」，又帶備清潔用品親自到清真寺解釋，逗留約5分鐘後離開。

而林海峰今朝就喺電台節目《在晴朗的一天出發》中再爆金句，佢話：「香港最惡嘅教，係『阿sir做嘢唔洗你教』。」

Photo from 叱咤903 在晴朗的一天出發 Facebook

其實林海峰之前開show已經指：「激嬲全香港人都好容易，有一個人就可以做到。」、「其實只要有一個人唔再返工，就可以令全部人返工好開心。」

Photo from 林海峰Facebook

佢指嗰個人「咪就係我囉！」，又引導觀眾大嗌：「林狗下台」

Photo from 林海峰Facebook

尾場黃秋生仲以口琴吹出兒歌《有隻雀仔跌落水》同《願榮光歸香港》。

而對於水炮車擊中清真寺嘅事，今朝特首林鄭月娥同警務處處長盧偉聰到清真寺道歉。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）