擁有《哈利波特》隱形斗篷唔再係夢？！似紙咁薄　加拿大某公司成功研發「隱形盾牌」

睇《哈利波特》時，每次睇到主角哈利用隱形斗篷喺學校四圍走時，小編都會好想有一件...

以前依啲諗法成日都會被笑，不過依家就真係有可能夢想成真喇！

Photo from 電影《哈利波特》

事關喺加拿大就有一間生技公司「Hyperstealth」成功研發出一種新型嘅隱形材料。佢好似紙咁輕薄，仲要完全唔使用電，非常節約能源！

Photo from hyperstealth

佢哋開發了一款名為「Quantum Stealth」嘅隱形盾牌，依款隱形盾牌嘅材料係雙凸透鏡。

把物體放喺盾牌後方時，光線就會扭曲。除非企得好近或距離好遠，否則喺一定範圍內，物體睇起嚟就會好似消失咗一樣。

Photo from hyperstealth

但係「Quantum Stealth」唔會遮蓋盾牌後藏著嘅物體顏色，只會扭曲背景。

肉眼睇，都可能只會覺得有啲異樣，但唔會睇到物體嘅真實細節，唔會知道盾牌後藏住嘅係咩嚟。

Photo from hyperstealth

而雙面凸透鏡可以將光線從紫外線轉成紅外線，如果用普通嘅低解析度攝影機嚟睇嘅話，隱形盾牌嘅效果非常明顯。

當然，這款隱形盾牌雖然不像《哈利波特》裡的隱形斗篷那麼強大，如果喺使用不可見光嘅特別攝影機，就會露餡，但用來迷惑人眼同一般攝影機鏡頭亦已經足夠！

唔知以後會唔會真係有可能研發出隱形斗篷呢？！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）