10蚊一個！性價比極高！美孚爆多餡車輪餅！

聽到車輪餅依個名，唔知大家會唔會覺得有D陌生？咁今川燒或者大判燒呢，聽完會唔會有返少少印象呢？無？唔緊要，睇下以下既圖相信大家會都知道係乜野黎喇。

idybaling（@idybaling）張貼的相片 於 2016 年 11月 月 5 5:56上午 PDT 張貼

睇到佢個樣你應該認得佢架喇，以下都唔好拘泥佢叫乜野名喇（始終佢係日本國內都已經有成過十個唔同既名稱），一律就叫佢車輪餅啦，反正我地要介紹既依間店個名就係「車輪餅小姐」。

對於車輪餅，我地既印象都係離唔開豆沙餡或者吉士餡或者奶黃餡，係旺角一D小食店我地都唔難見到佢地既身影，不過通常一食落都係好似食緊舊麵粉咁，而且得少少餡，食完大受打擊，心諗：媽，為何結果不是我想的那樣？

@nnnnnneva_to 張貼的相片 於 2016 年 4月 月 8 9:47下午 PDT 張貼

車輪餅小姐既車輪餅相比之下就無依個問題喇，因為佢既車輪餅就係每個人所幻想出黎既形態，皮薄而且餡多，絕對唔會令人失望。

Foodie Penguin（@foodiepenguin）張貼的相片 於 2016 年 12月 月 7 5:36上午 PST 張貼

除左餡多之外，佢既車輪餅都好有創意，時下最流行既紫薯當然唔少得啦！紫薯蓉溫暖香甜，配搭鬆化香軟既外層餅皮，令人有意想不到既幸福感。

除此之外，佢仲有勁特別既OREO阿華田麻糬餡，就咁聽真係有D頭暈，好難想像乜野味道。鬆化既外層包住香脆既OREO、軟糯既麻糬、香濃既自制阿華田醬，多種口感同味道交雜，並無想像中混亂，反而組合出意想不到咁一致既滋味。

Photo from sisi889154@openrice

軟心半熟芝士微酸帶甜，伴隨著芝士既奶香，好似食緊熱既芝士蛋糕咁，十分過癮。

@fatfoodieee 張貼的相片 於 2016 年 12月 月 17 1:23上午 PST 張貼

流心日本宇治抹茶同餅皮有好強既一致感，可能因為車輪餅本身就係日式甜點既關係，所以同抹茶具深度既口味非常合拍。

P̆̈ă̈t̆̈M̆̈ă̈N̆̈H̆̈Ŏ̈（@poody_is_mine）張貼的相片 於 2016 年 9月 月 19 3:23上午 PDT 張貼

想試下咁有創意，咁多口味既車輪餅，其實唔難，車輪餅小姐就位於美孚，而且唔同口味既車輪餅通通都只係賣10蚊一個，絕對值得一試！

車輪餅小姐

地址：美孚美孚新邨吉利徑19號50B7號舖
電話：6687 1093
營業時間：星期一至日 12:00-23:00