方力申為慈善游足10個鐘 有後遺症搞到頸痛爛脷仍無悔：係我活到今天最成功嘅事

前香港泳隊代表嘅「飛魚王子」方力申，日前為慈善籌款活動，挑戰環島泳45公里。

佢備戰多時，最後早1.5個鐘完成挑戰，仲成功籌得超過780萬善款。

為咗呢個挑戰，小方已經嚴格控制飲食，戒咗1個月奶茶，連mask都無敷過。

當日佢清晨5點鐘就喺沙灣落水起步，沿途經過中環、柴灣、石澳、淺水灣等地，預計12個鐘後會到終點。

Photo from 點滴是生命

唔少藝人朋友都嚟到現場為小方打氣，包括麥明詩、唐詩詠等，而小方爸爸同細佬都有陪佢游最後一公里。

Photo from 「點滴是生命」IG

小方更破紀錄以10小時43分06秒游晒45公里全程，提早1.5小時完成壯舉，成功籌得超過780萬善款！

Photo from 「點滴是生命」IG

佢連續游10個鐘，夜晚慶功後拍片感謝大家支持。佢話呢個慈善籌款挑戰，係佢活到今天以嚟最成功嘅事：「成功唔係因為我游咗45公里，唔係因為我破紀錄，而係因為我哋成功籌到超過780萬善款，可以為幾十萬缺水嘅人口提供乾淨食水。」

Photo from 方力申IG

游咗成10個鐘，小方雖然身體疲憊，但精神仍然興奮，瞓咗唔夠4個鐘，凌晨6點幾就醒咗瞓唔返。

佢表示游咗咗耐，有「後遺症」，唔止頸痛，條頸扯住扯住，只能有限度咁擰轉頭，而且條脷都俾鹽水浸到好痛。

Photo from 方力申IG

而主辦機構「點滴是生命」亦喺IG對方力申表示感謝，Stephy都有俾like！

Photo from 「點滴是生命」IG

小方真係好犀利啊！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）