蘇玉華因年輕人而覺醒:「年輕人教曉咗我好多嘢」離巢2年重提TVB拍劇日子

蘇玉華因年輕人而覺醒:「年輕人教曉咗我好多嘢」離巢2年重提TVB拍劇日子

社會熱話 生活熱話 娛樂諸事丁
ByHeidi on 08 Nov 2019 Digital Editor

現年51歲嘅蘇玉華,2017同TVB約滿離巢,最近佢上電台節目《瘋Show快活人》,重提喺TVB拍劇嘅辛酸,佢又提到自己以往欠缺咗公民身份嘅意識,但最近因為年輕人而覺醒咗。

蘇玉華覺醒TVB年輕人瘋Show快活人公民身份意識
Photo from RTHK 香港電台

蘇玉華接受電台訪問時透露喺TVB拍劇係人生最辛苦嘅事,佢仲話嗰段日子唔係人過,因為佢初頭入TVB拍劇嘅時候,仲未係部頭合約,派咩工作都要接。佢又憶述:「我好記得有一日,同時接緊三套劇集,當然唔係套套都好重戲,但都要做,要付出時間。有次PA俾叠通告嚟,係一疊,拼埋一齊睇嘅時候,我喊。基本上你見到嚟緊嘅日子冇得瞓」,仲直言呢段日子係「唔係人過嘅日子」。

蘇玉華覺醒TVB年輕人瘋Show快活人公民身份意識
Photo from 蘇玉華FB

後來蘇玉華轉為部頭合約,希望可以自己揀工作做,佢亦都表示:「最痛苦係你係付出咗,冇得瞓、好攰,但你知道自己有可能一半以上時間拍緊垃圾,嗰個係最痛苦。」但佢都仍然相信電視台仲有好多人努力做好,唔希望佢地嘅努力被抹殺。

蘇玉華覺醒TVB年輕人瘋Show快活人公民身份意識
Photo from 蘇玉華FB

蘇玉華覺醒TVB年輕人瘋Show快活人公民身份意識
Photo from 蘇玉華FB

提到目前嘅生活,蘇玉華表示好滿意而家嘅生活,但就覺得自己以往欠缺咗公民身份嘅意識。佢認為喺而家嘅社會狀態,除非你咩都唔理,否則你會不斷問自己問題,想去知多啲。喺呢個過程中覺得年輕人教曉咗好多嘢,覺得自己「覺醒咗」,原來有啲嘢自己係忽略咗,仲有好多嘢係值得自己去學、去思考、去關心。

廣告
廣告

蘇玉華覺醒TVB年輕人瘋Show快活人公民身份意識
Photo from 瘋Show快活人

蘇玉華覺醒TVB年輕人瘋Show快活人公民身份意識
Photo from 蘇玉華FB

佢亦認為喺呢個過程中,感到自己同香港同埋香港人應該要有更強嘅連結,而唔係淨係做好自己咁簡單,「當你投入、當你關心嘅時候,你係會畀到一啲力量出嚟,大家係會走埋一齊做啲更加美好嘅事。」

蘇玉華覺醒TVB年輕人瘋Show快活人公民身份意識
Photo from 蘇玉華FB

關心年輕人嘅佢仲認為社會應該除咗關心自己之外,亦都要關心下一代,因為未來嘅日子係屬於佢地。

蘇玉華覺醒TVB年輕人瘋Show快活人公民身份意識
Photo from 蘇玉華FB

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook