去日本旅行要試！日本可口可樂超人氣檸檬氣泡酒 4款唔同酒精含量+唔同嘅檸檬口味

之前日本可口可樂於九州推出限定檸檬酒精飲品，一推出大受歡迎，而近日於日本各地推出，依然咁受歡迎！

可口可樂「檸檬堂」嘅檸檬酒精飲品一共有4款，鋁罐印上嘅設計都懷舊得嚟幾有味道。而4款酒精度數都唔同，而且當中嘅檸檬果汁含量同口味都各有不同，適合唔同口味嘅朋友。

Photo from 檸檬堂

比較鍾意易入口、甜甜地嘅朋友，就可以試下「蜂蜜檸檬」口味，酒精度數只有3％，係4款入面最甜嘅口味，會飲得出蜂蜜甜味同香味，再加上淡淡檸檬香氣同酸味～

Photo from 檸檬堂

如果平日無咁鍾意甜味又想易入口，咁就可以考慮下「定番檸檬」，因為甜度、檸檬酸味、甘味同香味都相對清爽，酒精含量5％，而檸檬果汁含量10％。

Photo from 檸檬堂

鍾意大人口味、略帶酒精甘苦味，「鹽檸檬」就幾適合你，相對嚟講少啲甜品﹐多咗少少酒味，而且仲有少少鹹味。酒精含量有7％，而檸檬果汁含量7％。

Photo from 檸檬堂

而檸檬果汁含量有成17％嘅「鬼檸檬」酒精含量有9％，幾適合唔鍾意甜嘅朋友。

Photo from 檸檬堂

價錢大約為150日圓（稅別），如果日本旅行不妨去便利店買返酒店試試～

Photo from 檸檬堂

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）