英國公司研發「透明飛機」360度環迴欣賞4萬呎高空景色＋減少碳排放

大家搭飛機嗰陣會揀坐邊呢？小編就最中意坐窗口位喇！可以睇到藍天白雲，喺飛機降落嗰陣仲可以睇到目的地嘅全貌。

不過喺將來就算唔係坐窗邊可能都睇到高空景色。

英國一間科技公司CPI就積極研發「無窗飛機」，雖然飛機無窗但就可以360度欣賞到飛機外面嘅景色。

Photo from CPI

飛機兩邊嘅牆同機頂都好似透明咁，睇到出面，但其實係喺機身內部覆蓋OLED螢幕，投射窗外環境，令到乘客好似置身喺架透明飛機入面咁，不過大家可以放心，個地板都仍然係不透明嘅，畏高朋友仔唔洗驚。

Photo from CPI

另外OLED螢幕仲會用喺椅背，乘客可以一路搭飛機，一路用高清OLED螢幕睇電影。

呢個「透明飛機」除咗俾乘客欣賞高空景色之外，仲可以減少碳排放。

Photo from CPI

飛機80%嘅重量嚟自機身同燃料，每減少1%飛機重量，就可以減少0.75%燃料，所以二氧化碳嘅排放量都會下降。

Photo from CPI

「透明飛機」仍然喺研發階段，相信如果有機會面世，一定會吸引好多人嘗試獨特嘅飛行體驗。

資料來源：CPI

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）